web counter
LEXO PA REKLAMA!

SHKARKO APP

App Store
Google Play

Ku po shkon aleanca PS – PDIU ?

26 Mars 2016, 09:09, Aktualitet CNA

Marrëdhëniet mes Partisë Socialiste dhe Partisë për Drejtësi, Integrim dhe Unitet janë përkeqësuar shumë kohët e fundit. Përveç përplasjeve për ndarjen e posteve në qeveri, ku çamët disa herë janë shprehur se duan një ministri, kryeministri nga ana tjetër ka thënë se një gjë e tillë nuk është e vërtetë, përplasje ka pasur dhe për çështjen çame.

Një gjë e tillë u duk qartë dhe në seancën e së enjtes, shkruan “Sot”,  pasi kreu i Partisë për Drejtësi Integrim dhe Unitet, Shpëtim Idrizi, kritikoi ministrin e Jashtëm, Ditmir Bushati, për vizitën e tij në Greqi, ku nuk e ngriti fare çështjen çame. Madje deklaroi se PDIU bashkë me shoqërinë civile nuk do të lejojë ngritjen e varrezave për ushtarët grekë nëse më parë nuk ngrihen varrezat çame.

?Në këto kushte, unë kërkoj mirëkuptimin tuaj, por dua të them vetëm një gjë. Kemi kërkuar të ngrihen varrezat e shqiptarëve të Çamërisë të vrarë nga terrori e nga bandat e kolonel Zervës. Në Igumenicë ndodhet një përmendore e Zervës. Në këto kushte nëse nuk ngrihen varrezat do të marrim të gjithë masat për moslejimin e varrezave të ushtarëve grekë në Shqipëri?, tha Idrizi.

Sipas “Sot” përplasjet mes tij dhe qeverisë u reflektuan dhe në fund të seancës, kur u bë procesi i votimit, pasi deputetët e saj u larguan, bashkë me Shpëtim Idrizin. Ata që nuk dhanë votat për ligjet e mazhorancës janë: Shpëtim Idrizi, Omer Mamo dhe Tahir Muhedini.

Një vit më parë gjatë periudhës së verës mazhoranca ra në pikiatë, pasi edhe në atë kohë pati përplasje me PDIU. Por u zhvilluan negociata dhe u arrit shumica e cilësuar. Mirëpo duket se përçarjet e tanishme qoftë dhe brenda Partisë Socialiste duke se kanë ngjallur shqetësime të kryeministri Rama, i cili gjithmonë nuk voton për ligjet e propozuara nga qeveria e tij.





Lajmet e fundit nga