web counter
LEXO PA REKLAMA!

SHKARKO APP

App Store
Google Play

Kush janë 15 deputetët e mazhorancës që nuk miratuan ligjet të enjten

26 Mars 2016, 08:19, Aktualitet CNA

Mazhoranca qeverisëse ra në nivelin minimal të saj të të votave në seancën parlamentare të ditës së enjte. Ligjet e parashikuara në rendin e ditës të Parlamentit u votuan të gjitha me 71 vota, duke treguar dhe një herë krizën brenda së majtës.

Përveç kryeministri Edi Rama, që nuk mori pjesë në votim, kanë qenë dhe shumë deputetë të tjerë që kanë braktisur votimin, duke rrezikuar që ligjet të mos miratoheshin. Përplasjet brenda së majtës, por dhe brenda koalicionit, kanë sjellë probleme në numrin e votave, duke rrezikuar seriozisht të martën, shkruan ?Sot?

Ajo që ra në sy ditën e enjte ishte fakti se salla e Parlamentit u bojkotua nga deputeti më i afërt i Edi Ramës, Koço Kokëdhima, i cili nuk ka marrë pjesë në votim. Nga ana tjetër të njëjtën gjë ka bërë dhe Ben Blushi, i cili njihet për qëndrimin e tij kundër qeverisë dhe kreut të saj, Edi Rama.

Deputetët e tjerë socialistë që nuk morën pjesë në votim janë: Parid Cara, Blendi Klosi, njëkohësisht ministër, Enkelejda Shkreli, teksa Gentjan Bejko ka munguar. Mungesë deputetësh ka pasur dhe në radhët e LSI, pasi Spartak Braho, Edlira Cekrezi dhe Luan Rama nuk kanë dhënë votën e tyre.

Pas kaq shumë muajsh ishte hera e parë që mazhoranca binte në këtë nivel, teksa mbetet të shihet nëse ishte vetëm një ditë, apo është rikthyer kriza brenda së majtës, ku përplasje ka brenda PS, por dhe brenda koalicionit.

Deputetët që nuk votuan ligjet

Ben Blushi

Spartak Braho

Parid Cara

Edlira Cekrezi

Agron Çela

Mirela Ferracaku

Shpëtim Idrizi

Blendi Klosi

Koco Kokëdhima

Omer Mamo

Tahir Muhedini

Nard Ndoka

Luan Rama

Enkeleji Shkreli

Gentian Bejko





Lajmet e fundit nga