web counter
LEXO PA REKLAMA!

SHKARKO APP

App Store
Google Play

Foreign Policy: Kongresi i PS-së, sipas stilit komunist

25 Mars 2016, 22:44, Aktualitet CNA

Foreign Policy News ka publikuar ditën e djeshme një shkrim të analistit  Adam B. Fairmont,  i cili e ka konsideruar Kongresin e Partisë Socialiste të një stili komunist. Në shkrimin me titull “Edi Rama, politikani më kontravers dhe më i pasur i Evropës”, analisti shprehet se Rama kishte kontroll të listës së pjesëmarrësve në këtë Kongres, ndërsa shton se Kongresi ishte njollosur nga baronët e pastrimit të parave dhe trafikantët e drogës.

“Më 19 Mars të 2016-ës Partia Socialiste e Shqipërisë zhvilloi Kongresin e saj sipas stilit komunist, në zemër të Tiranës, në po të njëjtin pallat ku partia e saj totalitare i mbante Kongreset e stilit Marksist rreth 30 vite më parë.

Ndërkohë në prapaskenë, gjatë planifikimit të përgatitjes së këtij Kongresi  Edi Rama, kryeministër i Shqipërisë njëherësh dhe kryetar i Partisë Socialiste pati në kontroll të plotë të gjithë listën e pjesëmarrësve dhe të të gjitha mediave të cilat pjesërisht mbanin shënime të fjalimeve të Oligarkisë Socialiste.

Auditori i kongresit të Ramës ishte njollosur nga deputetët shqiptarë të parlamentit, ministrat, baronët e pastrimit të parave dhe trafikantët e drogës, arratisja e të cilëve në Partinë Socialiste është bërë më mënyrë që t?i shmangen drejtësisë dhe prokurorisë. Guximi i zotit Rama për të dalë në publik me kriminelë famëkeq të Evropës është i pashembullt për çdo lider tjetër në demokracitë perëndimore dhe më gjerë.” shkruan ndër të tjera analisti në artikullin e publikuar në Foreign Policy News.





Lajmet e fundit nga