Transparenca.al reagon për privatizimin e INSIG

25 Mars 2016, 18:16, Aktualitet CNA

Faqja zyrtare e qeverisë e cila merret kryesisht me konferencat për shtyp të opozitës, ka reaguar pas një shkrimi në citynews ku denoncohej privatizimi i kompanisë së sigurimeve INSIG. (Lajmin e citynews mund t’a lexoni në këtë LINK). Në publikimin e transparenca.al nuk mohohet asnjë nga argumentat e shtruar nga citynews, por jepen disa argumenta të tjera shtesë që lidhen me gjendjen e kompanisë INSIG. Ndërkohë në lidhje me faktin e dytë, se INSIG u privatizua nga një kompani e cila disa muaj më parë nuk kishte plotësuar shumën e plotë të sigurimit në AMF, nuk ka asnjë qëndrim. Për të qenë të hapur po e botojmë të plotë qëndrimin e transparenca.al.

“Lidhur me procesin dhe vlerën e privatizimit të kompanisë shtetërore të sigurimeve ?INSIG? sqarojmë se kompania ?INSIG?, si çdo kompani tjetër financiare, mban rezervat e saj në raport me detyrimet që ka si dhe me kërkesat e ligjit. Rrjedhimisht vlera e një kompanie, nuk llogaritet vetëm mbi bazën e aseteve por edhe detyrimeve që ajo ka ndaj palëve të treta.

Depozitat e kompanisë ?INSIG? mund të jenë vlerësuar sikurse deklaron portali në vlerën e 2.4 miliardë lekëve, por portali në fjalë duhet t?u referohet edhe detyrimeve të kompanisë, ku sipas bilancit të datës 30 qershor 2015, kompania ka hequr mënjanë 2.68 miliardë lekë provigjone teknike (detyrime). Pra, në një shoqëri sigurimi, depozitat bankare shërbejnë për të mbuluar çdo dem që mund të ndodhë dhe që mbulohet nga kontratat e sigurimit të lidhura me klientët e kompanisë. Theksojmë se depozitat nuk janë para të vetë kompanisë ?INSIG?, por shërbejnë për të përmbushur detyrimet kontraktuale të saj.

Për sa i përket gjendjes së ?INSIG?, duhet të kujtojmë se dy vjet më parë u trashëgua një kompani që për nga
pikëpamja e menaxhimit ishte në një gjendje skandaloze. Audituesit nuk jepnin opinion për shkak të dhënave të pabesueshme dhe u deshën dy vjet për të rimëkëmbur kredibilitetin e kompanisë, si dhe për të bërë të mundur interesimin e investitorëve privatë për privatizimin e paketës së plotë të aksioneve.

Në funksion të këtij procesi, Ministria e Zhvillimit Ekonomik, Turizmit, Tregtisë dhe Sipërmarrjes përzgjodhi një nga shoqëritë vlerësuese me reputacion ndërkombëtar, ?BDO Albania sh.p.k?, për të vlerësuar paketën e 100% të aksioneve të kompanisë. Shoqëria vlerësuese, në përfundim të procesit të vlerësimit, e vlerësoi shoqërinë në intervalin e vlerave nga 10.4 milionë euro deri në 15.3 milionë euro.

Tenderi për privatizimin e shoqërisë filloi nga vlera maksimale e saj prej 15.3 milionë euro. Pavarësisht kësaj vlere, fituesi i këtij tenderi ofroi 2,222,122,000 lekë, pra rreth 16 milionë euro, vlerë e cila është më e lartë krahasuar me vlerësimin maksimal të shoqërisë ?BDO Albania sh.p.k.?.

Gjithashtu sqarojmë se blerësi, jo vetëm që do t?i paguajë shtetit shqiptar vlerën e blerjes së kompanisë, por detyrohet të investojë kapital shtesë për mbulimin e detyrimeve të kompanisë ?INSIG?.” përfundon reagimi i Transparenca.al