web counter
LEXO PA REKLAMA!

SHKARKO APP

App Store
Google Play

Nis kthimi dhe kompesimi i pronave/ Manjani: Mjaftojnë dy letra për të përfituar

23 Mars 2016, 12:19, Aktualitet CNA

Në një deklaratë për shtyp, ministri i Drejtësisë, Ylli Manjani bëri të ditur se duke filluar nga dita e nesërme, do të nisë kthimi fizik dhe kompesimi i pronave.

Ai sqaroi se qeveria është e vendosur të rikthejë pronat tek pronari, aty ku prona është e lirë dhe të bëjë kompensimin në rastin tjetër.

?Ka pasur shumë debate për kthimin e pronave. Jemi akuzuar vend e pa vend. Të gjithë qytetarët shqiptarë, që janë pronarë të një prone, por ende nuk e kanë marrë, atëherë që nesër kanë mundësi përmes vetëm dy letrave, jo 30 siç ka qenë më herët, të rimarrin pronën e tyre. Në këtë drejtim, do të përfitojnë të gjitha ata, prona e të cilëve është e lirë. Në rastin tjetër, kur prona nuk është lirë, do të nisë kompensimi, për të cilin qeveria ka vendosur në dispozicion 24 milionë dollarë?, tha Ministri Manjani.

Ai bëri të ditur se nga nesër qytetarët shqiptarë do të duhet të paraqiten vetëm me dy letra në duar tek Agjencia e Kompensimit dhe Kthimit të Pronave .

?Tashmë nuk duhet të keni një dosje voluminoze për ta fituar pronën, por do ju mjaftoj dokumenti që vërteton pronësinë, apo trashëgiminë dhe harta ku caktohet dhe pozicioni apo vendndodhja e pronës. Ne, kemi programuar, që deri në fund të mandatit të rikompensojmë deri në 70%, ndërsa 30% të përfundohet së bashku me pjesën e mbetur të legalizimeve?, përfundoi Ministri Manjani





Lajmet e fundit nga