E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

Statuti i ri i PS/ Rama kryetar i përjetshëm, nuk ikën edhe nëse humbet

22 Mars 2016, 12:15, Aktualitet CNA

Kongresi i Partisë Socialiste ka miratuar ditën e shtunë statutin e ri të saj, me disa ndryshime nga statuti paraardhës por edhe nga drafti i paraqitur në Asamble.

Sipas statutit të ri, mandati i kryetarit të partisë ndërpritet vetëm nëse renditet si forcë e dytë në zgjedhje. Edhe nëse i humbet ato si pasojë e koalicioneve, por ajo është forcë e parë, kryetari nuk largohet. Me këto ndryshime, Edi Rama, i jep vetes statusin e kryetarit të përjetshëm në PS.

Por, kjo pikë e statutit është ndryshuar në momentet e fundit përpara se të votohej. Në mbledhjen e Asamblesë Kombëtare, dy javë më parë, projekt-statuti i paraqitur ka qenë ndryshe nga ai që është votuar.

Konkretisht, neni 42 i draft-statutit përcakton se ?Mandati i Kryetarit të Partisë është katër vjet.

?Mandati i tij ndërpritet para kohe kur: a) Jep dorëheqjen; b) partia humbet në zgjedhjet e përgjithshme dhe c) humbet në mocionin e mosbesimit të zhvilluar për të, me kërkesën e 1/3 së anëtarëve të partisë?.?, thuhej në projekt-statutin e propozuar

Duket se kjo gjë nuk i ka pëlqyer Edi Ramës, i cili ka menduar për një zgjidhje për të mos u larguar nga drejtimi i partisë edhe në rast se humbet zgjedhjet.

Kështu pikës ?b? të nenit 42 i është bërë një modifikim, duke shtuar se mandati i Kryetarit të Partisë ndërpritet para kohe kur ?Partia humbet vendin e parë në zgjedhjet e përgjithshme?.

Një tjetër ndryshim që është bërë nga projekt-statuti i paraqitur në Asamble është kontrolli i kryetarit në parti.

Në draft, kryetari kishte të drejtë të propozojë 10% të kandidatëve për anëtarë kryesie, ndërsa në statutin e ri ajo ka shkuar në 20%.

Këto ndryshime e bëjnë Ramën një kryetar të përjetshëm të Partisë Socialiste. Duke parë të dhënave referuar KQZ-së, Partia Socialiste është forca e parë politike prej shumë vitesh, edhe pse nuk ka arritur të qeverisë për shkak të koalicioneve. Kështu, nëse Edi Rama do të jetë më kryeministër, por partia e tij rezulton e para në zgjedhje, ai do të vazhdojë të qëndrojë në krye të saj.