web counter
LEXO PA REKLAMA!

SHKARKO APP

App Store
Google Play

Pitella: Vizat u liberalizuan nga e majta/ Reagon Partia Demokratike

19 Mars 2016, 15:41, Politikë CNA

Partia Demokratike ka reaguar pas deklaratës së eurodeputetit të majtë Gianni Pitella, i cili tha se liberalimi i vizave u krye nga e majta.

Nëpërmjet një dekalrate për shtyp, Gerti Bogdani tha se Kongresi i PS është sa tragjik edhe komik. Ai sulmoi eurodeutetin socialist, Gianni Pitella edhe për deklaratën për të djathtën europiane kur tha se: ?E djathta europiane pranon dhe të vrasë fëmijë refugjatë vetëm të mos i pranojë në BE e ti ndihmojë?

Deklarata e Gerti Bogdanit

Farsa e Kongresit, sa tragjik edhe komik të PS sot, arrin kulmin kur gënjeshtrat që Rama e kompani tentojnë t’i servirin shqiptarëve, penetrojnë edhe tek eurodeputeti i majtë, Pitella!!! Ky i fundit paturpësisht jo vetëm gënjen, por edhe guxon të sulmojë, jo vetëm të djathtën në Shqipëri, por edhe të djathtën europiane.

Në rastin e parë thotë që vizat për shqiptarët i liberalizoi qeverisja e majtë, kjo tregon ose sa pak informacion ka, ose sa pak kapacitet ka!!! Liberalizimin e vizave për shqiptarët, anëtarësimin në NATO, avancimin e integrimit europian e shumë procese të tjera jetike për Shqipërinë janë bërë gjatë qeverisjeve së PD.

Në rastin e dytë, thotë që “e djathta europiane pranon dhe të vrasë fëmijë refugjatë vetëm të mos i pranojë në BE e ti ndihmojë.” Ky arlekin politik, që më shumë gjasa financohet nga këta arlekinët tonë (me paratë që vjedhin nga tenderat e koncesionet) duhet ta ketë shumë të qartë që është e djathta europiane ajo që e mban Europën në këmbë në mes të krizave, është e djathta europiane e sidomos CDU gjermane që hapi dyert për qindra mijëra refugjatë, dhe është e djathta europiane ajo që po mundohet dhe që do t’i japë zgjidhje kësaj krize!!!

Fati I keq është fakti që në Europë ka edhe arlekinë si ky, e në Shqipëri qeverisin arlekinë si këta tanët!!!?





Lajmet e fundit nga