Ministri Tahiri pret Avramopoulos/ Diskutime për krizën e emigrantëve

18 Mars 2016, 15:44, Politikë CNA

Ministri i Punëve të Brendshme Saimir Tahiri ka pritur sot në Tiranë Komisionerin e BE për Çështjet e Brendshme dhe Migracionin.

Nje ndër çështjet kryesore që u diskutua gjatë konferencës ishte ajo e fluksit të emigrantëve.

?Në mënyrë të veçantë diskutuam edhe për çështjen e fluksit të emigrantëve, e cila është gjithashtu një shqetësim dhe një emergjencë humanitare që i bën thirrje vlerave më të larta të shoqërisë sonë dhe solidaritetit ndërmjet popujve në raste të të tilla vështirësive.?– theksoi Ministri gjatë fjalës së tij.

Sipas tij Shqipëria është e gatshme të bëjë detyrat e saj, dhe të mbajë përgjegjësitë e veta në kuadër të një plani europian.

?Shqipëria është e gatshme të bëjë detyrat e saj, vendi ynë është i gatshëm të mbajë përgjegjësitë e veta, e konceptuar kjo, si një përpjekje e vendit tonë në kuadër të një plani europian.

?Ne jemi shumë të gatshëm të kontribuojmë, përkrah vendeve të tjera të rajonit dhe BE-së, duke pasur në mend që asnjë vend i vetëm nuk ia ka dalë të përballet me këtë problem, por vetëm të gjithë bashkë, nën flamurin europian, pavarësisht faktit se kush prej vendeve është anëtar apo jo, – ne mund t?ia dalim të përballemi me një emergjencë të tillë humanitare dhe solidariteti.?- tha Tahiri.

Nga ana tjetër Komisioneri Avramopoulos tha se e ka mirëpritur planin e emergjencës që Qeveria Shqiptare ka përgatitur për të trajtuar fluksin e emigrantëve.

?Unë kam mirëpritur lajmin që ka pasur të bëjë me përgatitjen e një plani emergjence nga ana e Qeverisë Shqiptare sesi mund të trajtohet një fluks i mundshëm i emigrantëve dhe i refugjatëve.Ndërkohë Komisioni Europian po i jep mbështetje Shqipërisë në mënyra të ndryshme me anë të instrumenteve të ndryshme.? ?ka thënë Avramopoulos.

Gjatë fjalës së tij Komisioneri i BE theksoi se Shqipëria nuk është e prekur nga kriza e emigrantëve por ai garantoi se nëse kjo ndodh do të ketë mbështetje të plotë nga BE.

?Nuk kemi ndonjë indicie ose sinjal që fluksi i refugjatëve është duke ardhur drejt Shqipërisë. Në rast se do të ndodh, Shqipëria nuk ka për të qenë e papërgatitur. Ne do të ndihmojmë Shqipërinë, në rast se ndodhë një gjë e tillë.?- ka shtuar ai.