web counter
LEXO PA REKLAMA!

SHKARKO APP

App Store
Google Play

Korrupsion me tenderat/ Zbardhen abuzimet, 60% antiligjore

15 Mars 2016, 07:35, Ekonomi CNA

Agjencia e Prokurimeve Publike bën me dije se numri total i njoftimeve të kontratave të procedurave të prokurimit të publikuara gjatë vitit 2015 në sistemin e prokurimit elektronik, sipas llojeve të kontratave, shërbim, mall, punë, në faqen zyrtare të APP është 4,630.

Nga këto, afro 60 përqind, ose 2706 janë zhvilluar me procedurë prokurimi me negocim pa shpallje paraprake. Kjo procedurë kjo procedurë, ligjërisht duhet të përdoret vetëm në raste emergjente, por falë boshllëqeve ligjore, autoritetet kontraktore ia kanë dalë ta përdorin në shumicën e gjithë thirrjeve publike në total.

Abuzimi me përdorimin pa kriter të procedurës së prokurimit me negocim pa shpallje paraprake është paraqitur si problem mjaft shqetësues nga APP, e cila akuzon hapur për shkelje ligji.

Gazeta “Sot” shkruan se gjatë monitorimeve të kryera nga APP, janë konstatuar shkelje të ndryshme të dispozitave ligjore dhe nënligjore të prokurimit publik, në varësi të llojit të procedurës së prokurimit të monitoruar.

Sa i takon procedurës së prokurimit me negocim pa shpallje paraprake të njoftimit të kontratës, synimi i monitorimit të kësaj lloj procedure, ka qenë: identifikimi i arsyeve që çojnë një autoritet kontraktor në përzgjedhjen e kësaj lloj procedure (duke qenë se zhvillimi i saj nuk bëhet në mënyrë transparente dhe konkuruese), kontrolli i përmbushjes dhe zbatueshmërisë së kushteve të parashikuara nga legjislacioni i prokurimit publik për këtë rast, si dhe parandalimi i përzgjedhjes së gabuar të kësaj lloj procedure në të ardhmen.





Lajmet e fundit nga