E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

Emërimet në shërbimin civil/ Zbardhen shkeljet e bashkive dhe ministrive

15 Mars 2016, 07:52, Aktualitet CNA

Komisioneri për Mbikëqyrjen e Shërbimit Civil ka dërguar në Kuvend një raport mbi emërimet në shërbimin civil gjatë vitit 2015 ku janë evidentuar shkelje të shumta, sidomos nga bashkitë, por nuk mbeten pas dhe disa ministri. Në raport theksohet se organet e pushtetit vendor kanë kryer procese formale, por më pas janë emëruar individë të caktuar, jashtë rregullave dhe procedurave. Komisioni ka veçuar Korçën, si qytetin ku ka pasur më shumë probleme.

?Në mënyrë të përgjithshme, problemet në këto raste, kanë konsistuar në faktin se gjatë procesit të ristrukturimit nuk është ngritur komisioni i ristrukturimit, i cili duhej të shqyrtonte mundësinë e sistemimit të çdo nëpunësi civil në vendet e lira ekzistuese dhe të bënte propozimet konkrete për transferimin e nëpunësit në një pozicion të lirë, në të cilin ai plotësonte kërkesat specifike?, theksohet në raport.

Po ashtu sipas tij, probleme të ngjashme janë vërejtur në Bashkinë Pukë, Bashkinë Fush-Arrëz, Bashkinë Vau Dejës, Bashkinë Krujë, disa njësi bashkiake të Tiranës, Bashkinë Vlorë, etj.

?Ndonëse nga njësitë e qeverisjes vendore, bëhen përpjekje për të zbatuar formalisht procedurën, të tilla si shpallja e pozicionit, ashtu si e kërkon ligji, krijimi i komisioneve përkatëse, si dhe respektimi i afateve ligjore, konstatohet se rekrutimet vazhdojnë të kryhen për çdo pozicion pune, ashtu si edhe me ligjin e mëparshëm, duke zbehur në këtë mënyrë rëndësinë e rekrutimit në grup, i zgjedhur si model për të siguruar një prag cilësie të lartë, si dhe objektivitet në procesin e rekrutimit?, thuhet në raport.

Sipas tij, në pjesën më të madhe të konkurrimeve ka marrë pjesë vetëm një kandidat, i cili edhe ka rezultuar fitues më pas. Komisioneri ka evidentuar të gjitha bashkitë që nuk kanë zbatuar konkurset dhe kriteret e reja, ku në çdo rast kanë marrë pjesë nga 1 kandidat, ku përmenden: Bashkia Shijak, Memaliaj, Konispol, Peqin, Gjirokastër, etj.

Statusi i nëpunësit civil Komisioneri për Shërbimin Civil ka evidentuar shumë raste ku individë të caktuar janë futur në shërbimin civil, edhe pse disa kanë qenë me arsim të mesëm, apo disa të tjerë nuk plotësonin kushtet.

?Në raport me numrin e përgjithshëm të rasteve të verifikuara, rezulton se në 94 prej tyre, janë konstatuar deklarime të statusit të nëpunësit civil, pa të drejtë (në kundërshtim me ligjin) nga ana e njësisë përgjegjëse. Punonjësit që kanë përfituar statusin e nëpunësit civil në këto raste, nuk i plotësonin kushtet për të qenë pjesë e shërbimit civil, për arsye të ndryshme, ndër të cilat: mosplotësimi i kriterit arsimor, pasi në momentin e fillimit të efekteve të ligjit, ishin me arsim të mesëm?, është shthur komisioneri, duke evidentuar faktin se një gjë e tillë ka ndodhur në ish-komunat.