E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Denoncimi në Fiks Fare/ Kosova nuk njeh diplomat shqiptare

14 Mars 2016, 19:15, Aktualitet CNA

Ministria e Arsimit në Kosovë nuk njehson diplomat e universiteteve private të akredituara në Shqipëri.Tremijë student nga Kosova, të cilët kanë përfunduar studimet në universitet private shqiptare, nuk u njihet diploma në Kosovë.

Emisioni Fiks Fare solli mbrëmjen e sotme një problematikë të studentëve që janë diplomuar në universitetet private në Shqipëri. Kjo diplomë nuk u njihet në Kosovë. 3000 studentë që nga viti 2010 kanë bërë kërkesa të vazhdueshmë në Ministri dhe në të gjitha institucionet përkatëse për këtë problematikë.

Përgjigjia ka qenë se do bëhet shumë shpejt. Në takimin e fundit të Ministrit të Arsimit të Kosovës me Ministren e Arsimit të Shqipërisë, më 8 shkurt 2016, u tha se brenda javës do nisë proçesi i njësimit të diplomave.

Ministri Bajrami po ate ditë deklaroi: ?Ministria e Kosovës është në fund të proçesit dhe që javën e ardhshme do të miratojmë udhëzimin administrativ për njohjen e diplomave për studentët kosovarë që mbarojnë në institucionet e arsimit të lartë privat në Shqipëri?

Ka kalaur më shumë se një muaj dhe ende nuk është bërë asgjë.

Në fillim të muajit Mars 2016, pas deklaratës së zotit Bajramaj emisioni Fiks Fare udhëtoi drejt Kosovës. Përfaqësuesi i studentëve të diplomuar në universitetet private në Shqipëri, Niman Bardhi shprehet se kanë bërë pafund kërkesa pranë Ministrisë së Arsimit në Kosovë. Sipas zotit Bardhi nga matjet që i është bërë nivelit të arsimit në Kosovë është më i ulti në rajon. ?Ndaj si mund të diskutohet për nivelin e arsimit në Shqipëri?? shprehet ai.

Për të kuptuar gjendjen reale në Kosovë kamerat e Fiksit hyjnë në Ministrinë e Arsimit në zyrat ku dorëzohen dosjet për njohjen e Diplomës.

Aty punonjësja tregon, se për të gjitha dosjet është kthyer përgjigje negative. Nuk ka dalë asnjë urdhër që të rimerren dosjet dhe rrjedhimisht ky institucion nuk pranon asnjë lloj dokumenti. Pyetjes së Fiksit se pse nuk njihen këtu këto diploma përderisa njihen në vende të tjera. Ajo thotë ” Kjo është politika e shtetit”. Punonjësja thotë se diplomat e Mitrovicës janë në proçes njohje, ndërsa të Shqipërisë nuk kanë nisur.

Drejtoresha e arsmimit të lartë, zyra e së cilës ishte në ministri tha se ministri erdhi me premtime në ajër, por ende nuk kemi asnjë udhëzim. Ajo shprehet se në mënyrë ligjore nuk ka asnjë udhëzim në bazë të asaj çfarë ka deklaruar ministri në Shqipëri. Ky shqetësim i studentëve kosovar pasohej edhe nga një tjetër. Universitete private në Kosovë regjistrojnë në master studentë të diplomuar në Shqipëri edhe pa u nostrifikuar (njohur ) diploma e bachelorit nga ministria.

Për ta vërtetuar këtë gazetarët e Fiksit shkuan në një universitet privat në Prishtinë. Aty koordinatori pohon se mund të regjistrohen pa problem me diplomë bachelori. ?Ne ju japim diplomën e masterit në fund dhe e keni të njohur?- shprehet ai-? ne kemi shume studente të tillë nga Shqipëria?. Ai shpjegon se në momentin që mbaron masterin tek ky universitet privat, Ministria e Arsimit nuk kërkon shpjegime se ku e ke mbaruar bachelorin.

Pyetje së gazetarit të Fiksit, për njohjen e diplomave të universiteteve private në Shqipëri, ashtu siç edhe vetë kishte deklaruar më parë , ministri Bajrami refuzoi t?i përgjigjej.