web counter
LEXO PA REKLAMA!

SHKARKO APP

App Store
Google Play

E fundit!

x

Skandali me zbukurimet e Ditës së Verës/ 7.8 milionë lekë për firmën fantazëm

14 Mars 2016, 12:40, Aktualitet CNA

Bashkia e Tiranës ka zbukuar qendrën e qytetit me rastin e Ditës së Verës. Një shumë prej 7.8 milionë lekësh të reja janë shpenëzuar nga bashkia për të kryer zbukurimet.

Opinion.al shkruan se shpenzimet nuk janë transparente dhe janë kryer pa prokurim. Në faqen e prokurimeve publike nuk gjen asnjë prokurim sa i takon zbukurimit të qytetit në raste festash, ndonëse qyteti është zbukuruar në këto ditë.

Bashkia Tiranë i ka akorduar kompanisë me emrin ?Gjenerata e Re? (NIPT J61826053A), një shumë prej 7,837,600 lekë sa i takon zbukurimeve për Ditën e Verës. Megjithëse kompania ka një NIPT ajo, sipas asaj çfarë lexohet në QKR, ende nuk ka dorëzuar dokumentacionin e duhur dhe njëkohësisht ende nuk ka një ekstrat të sajin historik.

Ndonëse, sipas të dhënave të publikuar nga Spending Data, kjo kompani ka fituar përmes dy projekteve dy tendera me vlera tepër të larta.

(http://spending.data.al/en/treasury/list/year/2015/inst_code/2101001/perf_id/GJENERATAERE)

Gjenerata e re është një Shoqëri me Përgjegjësi të Kufizuar  e cila ka fituar në një hark të shkurtër kohor 9,327,200 lekë nga Bashkia Tiranë. Mënyra e fitimit të këtyre parave është përmes projekteve që Bashkia Tiranë ia ka shpallur fituese kësaj kompanie.(https://opencorporates.com/companies/al/J61826053A)

Hijet e dyshimit bëhen edhe më të shumtua kur sheh edhe lëvizjet për miratimin me urgjencë të Rregullores së Projekteve Artistike sa i takon bashkisë Tiranë, raporton opinion.al

Aq më tepër kur fitues të projekteve është një kompani deri më tani fantazmë, në arkat e së cilës Bashkia ka dërguar shumë e rreth 7.8 mln lekëve pa asnjë sqarim për procedurën e ndjekur në shpalljen fitues të këtij projekti si dhe për përfituesit e tij. (http://tirana.al/publikime/)

 





Lajmet e fundit nga