web counter
LEXO PA REKLAMA!

SHKARKO APP

App Store
Google Play

E fundit!

x

ZYLJA QENKA NONA! (Si u ‘peshkuan’ Erioni, Ervini dhe tatimorët)

12 Mars 2016, 16:35, Aktualitet CNA

Fotot e sotme tregojnë nënë Zylen që puthet me Erion Veliajn, ndërkohë që i qan hallin Ervin Salianjit të PD-së.

Të dyja palët po mundohen të tregojnë se kush i qëndron më pranë të moshuarës.

Shkrepin foto dhe shpërndajnë njoftime për shtyp, publikojnë statuse në rrjete sociale dhe nxisin mediat për të fabrikuar lajme.

Për Erion Veliajn, publikimi i fotos së djeshme ishte vërtet i sikletshëm. Aq i sikletshëm, saqë u detyrua ta paguante vetë fletën e gjobës.

Por edhe kjo nuk ishte e mjaftueshme. Duhej edhe një foto duke u puthur me nënë Zylen, që të zbuste sadopak valën e indinjatës që shpërtheu në rrjetet sociale pas fotos së parë.

Mirëpo ka një problem. Erioni dhe Ervini flasin për foto të bëra me të moshuarën Zyle Lami, por fleta e gjobës kishte një tjetër emër, gjoba ishte faturuar për shtetasen Xhevrije Mici.

Çfarë ka ndodhur?

Mësohet se e moshuara ka gënjyer fillimisht policët tatimorë. U ka thënë atyre se nuk kishte kartë identiteti me vete dhe ata në mirëbesim shënuan emrin e saj si Xhevrije Mici. Në fakt, znj.Xhevrije është gjitonia e Zyles.

Gjoba e paguar nga Erion Veliaj, për llogari të Xhevrije Micit

Pasi tatimorët hëngrën karremin e Zyles, i dyti që ra në grackë ishte Erion Veliaj që shkoi dhe bëri pagesën e gjobës me emrin e gabuar Xhevrije Mici.

Ndërsa sot Ervin Salianji i PD-së, i shkoi në shtëpi znj.Zyle dhe shikonte i habitur dokumentin e gjobës që ajo i dha por që mbante emrin Xhevrije Mici.

Por pyetja shtrohet:
Po sikur nënë Zylja të kishte thënë se quhej Bule Naipi apo Shkurte Pal Vata, kujt do t?i arkëtohej gjoba?

Duket se kjo histori po merr trajtën e gallatës tashmë dhe nënë Zylja përveçse arriti të dëshmonte dje me foto zellin e tepruar të tatimorëve  për të gjobitur fukarenjtë, sot duket se i ka nxjerrë bllof të gjithë duke dëshmuar dhe zellin fals të Veliajt për t?i paguar gjobën dikujt pa lidhje apo dhe Salianjit që i mbeti gjoba e Xhevrijes në dorë.

Zyle Lami ka mundur që brenda 24 orëve të bëjë për turp dy herë Bashkinë dhe opozitën.

Në këto kushte vetëm një gjë mund të thuash: ZYLJA QENKA NONA! 

 

 / HashtagAL /





Lajmet e fundit nga