web counter
LEXO PA REKLAMA!

SHKARKO APP

App Store
Google Play

E fundit!

x

Vrasja horror e italianit/ Shqiptarja e ther me thikë, më pas i vë flakën

12 Mars 2016, 10:59, Aktualitet CNA

Një shtetase shqiptare ka vrarë me thikë të dashurin italian dhe më pas i ka vënë flakën. Ngjarja ka ndodhur 9 marsin e vitit të kaluar, ndërsa  mediat italiane shkruajnë se 65 vjeçarja shqiptare është arritur të identifikohet dhe është zbardhur dinamika e ngjarjes.

Sipas hetimeve të prokurorisë italiane të dy po udhëtonin me një automjet të cilin e kishin parkuar diku në zonë, por pas 15 minutash, gruaja doli e vetme nga makina dhe u largua. Në këtë hark kohor, që ata ishin në makinë brenda, gruaja e ka goditur në fyt me një thikë kuzhine të dashurin italian.

Sipas mediave italiane , ata të dy kishin një marrëdhënie me shumë ulje e ngritje, zënka e debate, e ndoshta italiani i kishte kërkuar që të ndaheshin dhe ajo nuk ka pranuar. Krimi është filmuar nga kamerat e instaluara në një biznes aty pranë ku ndodhi ngjarja e rëndë. Pamjet filmike kanë parë shqiptaren teksa largohej nga makina, ndërsa trupi i viktimës digjej brenda saj.

Gruaja është rezidente në Ladispoli, ndërsa italiani ka jetuar në Ponte Galeria në periferi të Romës. Sipas gazetës italiane, gruaja ishte përgjuar dhe ishin parë tabulatet telefonike, shkruan Panorama.

Ajo fillimisht u përpoq për ta mohuar krimin, por më pas e rrëfeu dhe tha se e kishte therur me thikë kuzhine të dashurin e saj, trupi i të cilit u gjet pjesërisht të djegur. Tani ajo akuzohet për vrasje dhe tentim të shkatërrimit të kufomës.





Lajmet e fundit nga