web counter
LEXO PA REKLAMA!

SHKARKO APP

App Store
Google Play

Serveri i Tatimeve/ Shkëlqim Cani pranon shkeljen e ligjit

12 Mars 2016, 08:09, Aktualitet CNA

Ish- Ministri i Financave, Shkëlqim Cani është paraqitur dje para Komisionit Hetimor Parlamentar, duke dhënë një dëshmi të fortë, e cila fundos një varg zyrtarësh dhe ish-vartësish të tij.

Cani ka shprehur dje bindje se në Serverin e Tatimeve ka pasur ndërhyre të paligjshme, ndërsa ka implikuar Panajot Gjiknurin, vëllain e ministrit të Energjetikës, Damian Gjiknuri, i cili ka caktuar në mënyrë të paligjshme listën e audituesve të të gjithë procedurave.

Ai ka pranuar se futja e audituesve të huaj ka qenë një veprim i paligjshëm, por e justifikoi këtë hap me situatën emergjente dhe me mungesën e audituesve nga Ministria e Financave. Gjithsesi, dëshmia e Shkëlqim Canit duhet të ketë djersitur dje shumë qeveritarë aktualë, të cilët mund të jenë përfshirë në skandalin në fjalë.

?Sot mbas gjithë kësaj kohe unë ju them me bindje se ministri i ri i Financave të çojë audit IT të verifikojë të gjithë sistemin. Gjykoj se atje ka vjedhje dhe janë premisat që të ketë fshirje të dhënash?, u shpreh Cani

Nga krahu tjetër, deputeti i Partisë Demokratike, Arben Ristani, tha se: ?E gjitha ajo që thoni ju është se kisha emergjencë dhe unë bëra këtë punë, por mënyra si e bërë këtë punë, baza ligjore ku u referuar për ta bërë këtë punë nuk është askund. Dhe ajo që ka ndodhur është fakti që ata që çuat juve shkuan morën të dhënat nën sqetull natën dhe ikën nga Drejtoria e Tatimeve. Unë përgjigjen e mora dhe është e qartë që keni vepruar pa ligj? 





Lajmet e fundit nga