web counter
LEXO PA REKLAMA!

SHKARKO APP

App Store
Google Play

E fundit!

x

Igli Totozani, rizgjidhet President i Organizatës së Ombudsmanëve të Mesdheut

12 Mars 2016, 11:51, Aktualitet CNA

Avokati i Popullit, Igli Totozani, u rizgjodh për një mandat tjetër tre-vjeçar si President i Organizatës së Ombudsmanëve të Mesdheut, me vota unanime, gjatë punimeve të Konferencës së 9-të të (AOM), të mbajtur në Valeta të Maltës. Propozimi, që Avokati i Popullit të Shqipërisë z. Igli Totozani, të mandatohet edhe për tre vjet të tjera në krye të kësaj organizate të rëndësishme të mbrojtjes së të drejtave të njeriut, u bë nga Ombudsmani i Francës, Jacques Toubon.

Totozani u rizgjodh si President i AOM-së me votat e 29 anëtarëve të Organizatës së Ombusmanëve dhe Ndërmjetësuesve nga hapësira e gjerë e Mesdheut.

Hapja e Konferencës së AOM-së u bë nga Avokati I Popullit të Shqipërisë z. Igli Totozani, nga Presidentja e Republikës së Maltës zj. Marie-Louise Coleiro Preca, si dhe Kryetari i Kuvendit z. Angelo Farrugia, si dhe mikpritësi i kësaj conference, Avokati I Popullit të Maltës, z. Joseph Said Pullicino.

Një arritje e rëndësishme për institucionet shqiptare dhe ato kosovare, që mbrojnë të drejtat e njeriut, ishte pranimi i Avokatit të Popullit të Kosovës, si anëtar me të drejta të plota në këtë organizatë. Vendimi u mor nga Asambleja e Përgjithshme e AOM-së, pas përmbylljes me sukses të përpjekjeve dhe negociatave, për këtë çështje. Këtë status institucioni i Avokatit të Popullit të Kosovës e ka merituar. Gjithashtu, Asambleja e AOM-së vendosi edhe për anëtarësimin me statusin e vëzhguesit të institucionit të Koordinatorit të Ombudsmanëve Rajonalë të Italisë.

Konferenca e Organizatës së Ombudsmanëve të Mesdheut (AOM) u fokusua tek situata e vështirë e flukseve migratore . Presidenti I AOM-së z. Totozani tha se: ? Aktualisht kemi një përshkallëzim të situatës prej bllokimit të kufijve në vende kryesore të destinacionit në BE-së dhe efektit domino përgjatë ?Itinerarit Ballkanik?. Sic nënvizohet në deklaratën e ditëve të fundit nga Komisioneri i Lartë për të Drejtat e Njeriut pranë OKB-së, z. Ra?ad Al Hussein, shqetësim tepër i madh është profilizimi i refugjatëve bazuar tek nacionalitetit dhe mosgarantimi i të drejtës së aksesit ndaj procedurave të azilit pa diskriminim. Dështimi në zbatimin e legjislacionit ndërkombëtar ka prekur gjerësisht grupet vulnerabël, duke përfshirë këtu fëmijët, gratë, të moshuarit, viktima të torturës, personat me aftësi të kufizuar, LGBTI etj. Vetëm gjatë vitit 2015, janë evidentuar mbi 90.000 të mitur të pashoqëruar, të cilët janë ekspozuar ndaj risqeve të shtuara për shëndetin, dhunimin, shfrytëzimin dhe trafikimin. Prandaj është lajm aq i mirëpritur ai për krijimin e ?Pikave Blu?, si qendra të suportit për fëmijët dhe familjet refugjatë, një iniciativë e përbashkët mes UNHCR dhe UNICEF. Angazhimi i Ombudsmanëve dhe Ndërmjetësuesve është jetësor për monitorimin e situatës së të drejtave të njeriut, hetimin e praktikave abuzive dhe parandalimin e tyre, ndërgjegjësimin e autoriteteve për zbatimin e standarteve dhe obligimeve në fushën e të drejtave të njeriut, si edhe kontributin në dialogun ndër-institucional dhe ligjërimin publik për të ndërgjegjësuar dhe kundërvepruar gjuhën e urrejtjes, racizmit dhe ksenofobisë?.

Konferenca bëri thirrje për zbatimin e instrumentave ndërkombëtarë për të drejtat e njeriut dhe në mënyrë të veçantë për të drejtat e refugjatëve, me përparësi të Konventës së Gjenevës për statusin e refugjateve.





Lajmet e fundit nga