E fundit!

14:36 Aktualitet

Rama para samitit BE-Ballkani Perëndimor: Tri gjëra nuk parashikohen, Zoti, seksi dhe BE-ja

Kryeministri Edi Rama ka komentuar procesin e integrimit t...

VIDEO/ Kërkohej për krime financiare në Itali, arrestohet në Durrës shtetasi italian

12 Mars 2016, 15:40, Aktualitet CNA

Policia e Shtetit brenda 24 orëve nga mbërritja e urdhërit të arrestit, ka arrestuar një shtetas italian të shpallur në kërkim ndërkombëtar për “Krime Financiare”. Kapja e tij, si rezultat i një operacioni të mirëorganizuar nga Drejtoria për Hetimin e Krimit Ekonomik e Finaciar në Policinë e Shtetit në bashkëpunim me Drejtorinë e Posaçme Operacionale. Arrestimi i shtetasit italian u krye ditën e sotme në Lagjen Nr. 13 Durrës, ku u bë e mundur lokalizimi i ambjeteve të banimit, kapja dhe ekzekutimi i urdhërit ndërkombëtar të arrestit për shtetasin italian: Stefano Giaciomelli, 59 vjeç, lindur në Bolognia/ Itali dhe banues në lagjen Nr .13 Durrës. Për këtë shtetas Gjykata e Turin (Torinos) Itali me Vendimet nr 19668/1013 RGNR dhe nr 20191/14 R.G.GIP, datë 27.11.2014, e ka lëshuar urdherin e arrestit për “Krime Financiare” në bashkëpunim, parashikuar nga nenet 267/1943 seksioni 216/1/2/3 etj, për të cilat parashikohet dënimi deri në10 vjet burg.

Urdhëri i arrestit është transmetuar nëpërmjet Interpol Tirana ditën e djeshme me date 11.03.2016. Strukturat e Drejtorisë Për Hetimin e Krimit Ekonomik e Financiar ishin angazhuar dy javë me parë dhe po bashkëpunonin për hetimin e rastit, identifikimin, lokalizimin, gjetjen e vendndodhjes së personit, në bashkëpunim me Drejtorinë e Forcës së Posaçme Operacionale, dhe Interpol Tirana, bazuar në kërkesat paraprake të autoriteve policore italiane. Ekzekutimi i vendimit të arrestit për qëllime ekstradimi, u bë në bashkëpunim me strukturat vendore për hetimin e Krimit Ekonomik e Financiar në Drejtorinë Vendore të Policisë Durrës, dhe materialet do t’i kalojnë Prokurorisë prane Gjykatës së Shkallës së Parë Durrës në bazë të kompetencave vendore. Sturktuarat e Drejtorisë për Hetimin e Krimit Ekonomik e Financiar në Policinë e Shtetit, po investigojnë aktivitetet e tij të dyshimta kriminale në fushën Ekonomike e Financiare dhe lidhjet e tij edhe në Shqipëri.

VIDEO