E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

Jo vetëm në 8 Mars!/ Nga Jorida Tabaku

8 Mars 2016, 13:37, Blog CNA

Historia e 8 Marsit lidhet me protestën që gratë në Chicago-n e vitit të largët 1914 zhvilluan mbi të drejtat e tyre.

Ishte shpërthimi i parë masiv që tregoi se tashmë fati i ndryshimeve demokratike do të vendosej edhe nga gratë.

Pashmangshmërisht, historia jonë e 8 Marsit, lidhet me kujtimet e festimeve të nënave dhe motrave tona përgjatë 50 viteve të diktaturës totalitare. Prandaj edhe sot, kjo ditë, është analogjia e një feste, ndonëse gratë janë objekt jo vetëm i dhunës, por edhe fasadës së një shoqërie kinse të modernizuar, e cila nga njëra anë mburret se i mbështet politikisht, dhe nga ana tjetër i dhunon ato.

Gjatë këtyre viteve në politikën aktive, kontaktet dhe takimet që kam kryer me zonja të ndryshme kanë qenë një pikë themeli mbi atë perspektivë që mendoj se duhet parë ?diskriminimi gjinor? dhe ?dhuna ndaj grave?. Duhet theksuar se është shenjë pozitive fakti që qeveria ka numrin më të lartë të grave në qeverisje, aq sa mund të krahasohemi me vendet nordike sa i takon kësaj. Por, ndonëse nordikë në qeverisje, sërishmi ngrihen disa pikëpyetje.

Si ka mundësi që kemi një numër të lartë femrash në qeverisje por numri i grave të papuna vazhdon të rritet? Kur politikat për punësimin e grave (si edhe të shqiptarëve) mbeten nën parulla qesharake si ?Punë ka, por s?ka profesionistë?? Sot vendi vuan nga diskriminimi gjinor ndërkohë që betejat e qeverisë për t?i zhbërë ato kanë mbetur vetëm konferencave.

Sot është e vërtetë që në policinë shqiptare ka më shumë police gra, por a do të thotë kjo që sot polici është i ndërgjegjshëm për të marrë në mbrojtje një zonjë të dhunuar më shumë se dje? A mbrohet më mirë një grua nga kjo polici? E pamë të gjithë se e vërteta është krejt ndryshe. E pamë policin e rilindur vetëm në uniformë sesi dhunoi fizikisht një grua në protestën për mbrojtjen e Parkut të Liqenit, i fyer nga fluturimi i kapelës së krenarisë së tij mashkullore.

Të gjitha këto vijnë si rezultat i zvetënimit të thelbit të gjërave. Kemi sistem demokratik pa demokraci, kemi barazi mes dy gjinive pa barazi gjinore, kemi përfaqësues që nuk japin përfaqësim por vetëm krim. Zvetënimi i demokracisë ka ndodhur pikërisht aty ku ajo duhet të qe më e fortë apo më së paku më pak e korruptueshme. Sepse me të vërtetë ne sot kemi një qeveri me një numër të lartë të zonjave në të. Por kemi edhe deputetë të inkriminuar që kërcënojnë kandidate për deputete që të merrnin postet në kuvend. Kemi një kryeministër që vërtet ka rritur numrin e grave në qeveri por nga ana tjetër është i njëjti që këmbëngul se po të kthehej pas do të përfshinte në listën e partisë të njëjtët individë.

E me këto dilema do të doja që të mos kujtohemi për zonjat e gratë sa herë ka 8 Mars, sa herë na duhen për të mbuluar gabimet, sa herë ofendojmë një palë zonja të përdorim të tjera! Për mua 8 Mars është cdo ditë, cdo ditë që respektoj një zonjë, cdo ditë që mbështes një zonjë, jo për fasadë por sepse e di që gratë kudo ku I jepen mudnësi të barabarta ia arrijnë! Por këto mundësi duhet ti jepen cdo ditë! Nuk duhet të lodhemi cdo ditë, të luftojmë për to, ti kërkojmë ato, e të përfaqësojmë me dinjitet ato që na kanë zgjedhur!