E fundit!

18:17 Politikë

Rama me banorët: Hyrja e SPAK në këtë proces nuk është për projektin e Zvërnecit

Në takimin me banorët në Zvërnec, kryeministri Edi Rama ka...

Kodi Etik/ Deputetët që përfitojnë nga buxheti i shtetit, largohen nga Parlamenti

7 Mars 2016, 08:29, Aktualitet CNA

Kuvendi ka njoftuar futjen në procedurë parlamentare të Kodit të ri Etik, i cili pritet të godasë deputetët që kanë futur duart në arkën e shtetit shqiptar. ?Projektvendimi ?Për miratimin e Kodit të Sjelljes së Deputetëve të Kuvendit të Republikës së Shqipërisë?, është futur në procedura parlamentare, ndërsa mësohet se është hartuar nga Kuvendi i Shqipërisë me mbështetjen dhe ekspertizën ndërkombëtare të OSBE-së. Për futjen në Komisionet parlamentare, projektligji ka marrë firmat e shumë deputetëve, ndër të cilët edhe të Kryetarit të Kuvendit, Ilir Meta. E përditshmja Sot, shton se Kodi Etik atakon drejtpërdrejtë deputetët biznesmenë, pasi ndalon rreptësisht që deputetët të përfitojnë fonde publike.

Miratimi i këtij akti rregullator (dokumenti) do të shërbejë si në drejtim të përmirësimit të standardeve etike dhe performancës së deputetëve, ashtu edhe në drejtim të rifitimit të besimit të qytetarëve në sistemin politik në përgjithësi dhe në institucionin e Parlamentit në veçanti?, thuhet në njoftim. “Ky Kod thekson transparencën për mënyrën sesi deputeti e ushtron detyrën e tij, si një parim themelor në bazë të të cilit ndërtohet marrëdhënia mes tij dhe publikut. Kodi zbatohet për anëtarët e Kuvendit në të gjitha aspektet e jetës së tyre publike, por përjashton nga rregullimi, aspektet e jetës thellësisht private të deputetit?, vijon më tej njoftimi.

?Gjatë ushtrimit të mandatit, deputetit nuk i lejohet: të jetë drejtues ose anëtar i organeve drejtuese të organizatave fitimprurëse; Të ushtrojë veprimtari private, që krijon të ardhura në formën e personit fizik tregtar, ortakëri personash fizikë tregtarë të çdo forme, profesione të lira të avokatisë, të noterisë, ekspertit të licencuar, si dhe të konsulentit, agjentit a përfaqësuesit të organizatave të përcaktuara në shkronjën ?a? të këtij neni dhe nuk mund të jetë i punësuar, me kohë të plotë, në një detyrë tjetër; Të zotërojë, në mënyrë aktive, asnjë aksion ose pjesë në kapital të një shoqërie tregtare, nëse ajo rezulton me pozitë dominuese në treg?, thuhet në Kod