web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria: Armando Prenga i tha Calëve “Do ju qis si fis”

5 Mars 2016, 07:59, Aktualitet CNA

Gjykata e Lartë hapi dje procesin gjyqësor ndaj deputetit Armando Prenga. Ai akuzohet për plagosjen e dy personave dhe kërcënimin e disa familjarëve të tyre. Sipas prokurorisë, konflikti ka nisur për të drejtën e shfrytëzimit të lagunës së Patokut. Fillimisht, Armando Prenga është konfliktuar me një nga pjesëtarët e rinj të familjes Cali. Gjatë largimit nga laguna Patok- Laç, pranë Fushë -Krujës,  ai është përballur me Gjok Calin.

Prokuroria u shpreh se në këtë moment, Armando Prenga, ka qëlluar me armë në ajër dhe e ka goditur atë me qytën e pistoletës.  Më pas, ngjarja është zhvilluar përpara komisariatit të policisë.

?Përpara komisariatit ka ardhur Armando Prenga, i shoqëruar nga vëllai i tij, Edmond Prenga dhe nga shtetasi Gazmir Jushi. Këta shtetas kanë filluar të konfliktohen fizikisht me pjesëtarët e familjes Cali. Më pas, Armando Prenga, ka qëlluar me armë zjarri. Nga të shtënat u plagos shtetasi Tom Cali. Gjatë konfliktit janë përdorur edhe armë të ftohta, nga ku janë dëmtuar shtetasit Gazmir Jushi, Eduard Prenga, Gjergj Cali dhe Nikoll Cali.

Sipas prokurorisë, deputeti Armando Prenga i është drejtuar anëtarëve të familjes Cali duke i kërcënuar me fjalët ?Do ju qis fare si fis?





Lajmet e fundit nga