web counter
LEXO PA REKLAMA!

SHKARKO APP

App Store
Google Play

Fuga: Mos kini shpresë te ky vend po ra liria universitare këtë herë!

4 Mars 2016, 17:53, Aktualitet CNA

Profesiori Artan Fuga ka deklaruar se nëse bie liria universitare në zgjedhjet e ardhshme në Universitete, atëherë sipas tij nuk duhet patur më shpresë për një vend të lirë. Përmes një postimi në rrjetin social Facebook, Fuga shkruan se profesorët po provokohen rëndë duke i ndëshkuar të pranojnë të drejtohen me “të komanduar”, ushtarakë pa uniforma, për një periudhë ta pacaktuar. Në reagimin e tij, Fuga shton se po ranë universitetet, ra cdo shpresë për Shqipëri të lirë, progresive dhe për shqiptarët.

Qëndrimi në Facebook nga Profesor Artan Fuga

Universitarët po provokohen rëndë duke i ndëshkuar të pranojnë të drejtohen me “të komanduar”, ushtarakë pa uniforma, për një periudhë ta pacaktuar, si në kazermat ushtarake, me komandantë, që për turp, mund të caktohen pa asnjë kriter, mund të kenë qenë edhe të dënuar, trafikantë, pa asnjë gradë shkencore, me formim nga kurse dhe shkolla me provime të marra pa ardhur në provim, me diploma fallco, madje edhe ndoshta analfabetë, apo me provime të marra pa qenë asnjë ditë në mësim. Asnjë ditë po ju them, le ta dëgjojë kush të dojë. Ka dëshmitarë për këtë. Asnjë pengesë normative për të gjithë këta !

Po ranë universitetet, ra cdo shpresë për Shqipëri të lirë, progresive dhe për shqiptarët. Paskësaj, poqese edhe kjo kalon, ikni ku të doni, ky vend nuk bëhet! Fjala e lirë mbaron krejt.

Ne duam të zbatohet ligja dhe të zgjedhim lirisht e të rinovojmë drejtuesit tanë !





Lajmet e fundit nga