Opozitë e pabesueshme?!

4 Mars 2016, 09:53, Aktualitet CNA

Opozita po ecën në ujëra të turbullta. Besimi i saj në opinionin publik nuk po forcohet por përkundrazi po humbet, fatkeqsisht.

Nga njëra anë janë qytetarët që presin të shohin një opozitë të fortë dhe të besueshmë dhe nga ana tjetër është vetë opozita që sillet si një OJQ.

Mbledhja e fundit të grupit parlamentar të PD-së nxori në pah dy gjëra, se pari faktin se deputetët janë të pakënaqur nga komunikimi dhe mardhënia zyrtare me Bashës dhe së dyti që ai dhe ata skanë të njëjtin mendim për aksionin opozitar.

?Pse bëhet Basha? Nuk ma mbush mendjen. Duket si perëndimor por ka vetëm fasadë. Atë se beson asnjëri?, këto janë disa fjalë që thuhen nga vetë militant të PD-së, njërëz të një trupe elektorale. Nuk e shohin Lulzim Bashën si lider që i nxit dhe bashkon, por kanë dyshime të forta ndaj tij. Janë thuajse aty ku janë edhe deputetët e opozitës.

Ndërsa shifet si i tillë, nga ana tjeter rezulton se qytetarët janë të zhgënjyer me qeverinë dhe presin një alternative. Përballja e një jave më parë në Opinion dhe Top Story, tregon diferencën. Audienca në të dy krahët, sipas një kompanie private monitorimi të pranuar nga të gjitha mediat është me një diferencë mjaft të madhe në krah të Bashës. Qytetarët duan alternativë.

Basha ka audiencë por nuk duket të ketë mbështetje të madhe tek votuesit, çka tregon se ai dhe opozitarizmi i tij janë ende të pabesueshe. Gabime, braktisje kauzash, vjedhje kauzash, qetësi kur duhet ulërimë dhe ulërime kur s?ka vlerë janë ?gafat? e pandalshme të Bashës.

Dekriminalizimin e filloi Jozefina Topalli, u nis si kauz, u la në rrugë, u kujtua ju rikthye prapë. Ndarja territoriale u braktisi, në zgjedhje me vrap. Byroja e hetimit është premtim elektoral i PS-së, del e quravitet PD pse nuk bëhet premtimi i tyre. Vjedhje e votës si alarm u dha që në zgjedhjet e nëntorit 2014 në Korcë, u braktis u la në rrugë. Tërhiq dhe mos e këput, duket sjellja e opozitës. Taksat rriten PD asnjë aksion, do e ulim kur te vijmë. Shqip ?prit gomar të mbijë bar?.

Konfrenca shtypi si të një shoqate për kulturë demokratike. Flitet, por askush nuk thotë asgjë. Ska strategji, ska aksion, ska lëvizje. Staf dhe individë të pabesueshëm. Rreth Bashës fatkeqsisht njerëz që nuk i votojnë as gratë e jo më qytetarët. Mashtrues dhe manipulatorë, që thjesht presin të fusin lugën tek çorba e pushtetit të nesërm.

Mediatikisht një sallatë që nuk ka asnjë vlerë. Flitet për fytyrë europiane por në fakt është sjellje qaramane që nuk krijon besim tek qytetarët. Zgjedhësit duken ende larg PD-së. Ka propozime por vetëm kaq. PD ecën me hapin e breshkës, por në garë ska një lepur, por një dhelpër dhe një ujk.

Bashkia e Tiranës ngre taksat 10 herë, PD mjaftohet me Nardi Ollin nga Korça tek dera e Bashkisë Tiranë, ndërkohë aksionin ta ka rrëmbyer Besian Pesha. Më shumë besim dhe veprim tek ai dhe 10 të rinj sesa tek Basha apo PD-ja. Jo vetëm për taksat, për cmimin e nafës, për ligjin e gjobave e kështu me rradhë.

Opozita ka pasur 2 kauza madhore, të cilat nuk i kanë dhënë asnjë impakt në opinion, ato që prekin qytetarët në fakt, Basha i ka parë me dylbi. Nuk duhen vetëm propozime nga ekrani. Shqiptarët janë djegur nga qulli dhe po i frynë kosit, askush nuk beson më asnjë.

Duket të jetë larg shumë larg bazës dhe qytetarëve, kjo me veprim jo me fjalë.

Ende nuk ka bërë asnjë turne në bazë edhe gjatë zgjedhjeve në PD, shkonte pasi fillonte aktiviteti dhe ikte pa përfunduar. Asnjë takim me militantët t?i njihte nga afër, t?i dëgjonte. Thuajse i shkëputur fare nga realiteti i bazës. Më afër është Grida dhe Salianji tek ata.

Por lider i besueshëm nuk bëhesh duke çuar dy kllouna politike dhe humbës të freskët fare. Lideri shkon vetë tek qytetarët i takon, dëgjon dhe prek. Opozitë e besueshme nuk bëhesh me ciu ciu nga zyra, por duke shkelur çdo qytet, çdo shtepi dhe për këtë ka ende pak, por shumë pak kohë. Thjesht dhe vetëm që të bëhesh i besueshëm tek njerëzit, ndryshe disfatat do vazhdojnë.

Basha është kryetari i një opozite të pabesushme, jo për faj të deputetëve, forumit rinor, lidhjes së grave, por për faj të tij, thjesht të tij. PD-ja nuk bëhet e besueshme duke ju servirur shqiptarëve si udheqësa dështakët, duke mos respektuar rregulat e tua në parti, duke injoruar dhe goditur në pabesi deputetët, duke shpalosur platformë dhe ide me sharlatanin e rradhës vetëm sepse është lëpirës i paepur.

Basha duhet të dalë nga strufkulla, të shkojë tek shqiptarët, të krijojë ekip ende sa nuk është vonë. Këto nuk janë sirena alarmi, por tërmet nën këmbët e Bashës. Elvi FUNDO/Citynews