web counter
LEXO PA REKLAMA!

SHKARKO APP

App Store
Google Play

Kodi i ri Etik i Parlamentit/ Ndalohen telefonat, dhuratat, thirrjet për dhunë dhe nxjerrja e sekreteve

4 Mars 2016, 07:57, Aktualitet CNA

Parlamenti po përgatitet të diskutojë për Kodin e Etik të saj. Kodi për Sjelljen e Deputetëve të Kuvendit të Shqipërisë është depozituar nga një grup deputetësh në formën e projektvendimit dhe shumë shpejt do nisë të diskutohet, teksa mësohet se për këtë kod ka asistuar dhe OSBE. Gazeta ?Sot? ka zbardhur disa nga pikat kryesore të këtij projektvendimi.

Dokumenti godet deputetët biznesmenë, të cilët përdorin mandatin e deputetit, për të përfituar fonde publike, duke u përfshirë drejtpërdrejt apo duke futur në lojë fëmijët, shokët apo gratë. Me hyrjen në fuqi të këtij Kodi, dhjetëra deputetë duhet të lënë Parlamentin ose kompanitë e tyre, me të cilat marrin para nga arka e shtetit.

? Gjatë ushtrimit të mandatit, deputetit nuk i lejohet: të jetë drejtues ose anëtar i organeve drejtuese të organizatave fitimprurëse; të ushtrojë veprimtari private, që krijon të ardhura në formën e personit fizik tregtar, ortakëri personash fizikë tregtarë të çdo forme, profesione të lira të avokatisë, të noterisë, ekspertit të licencuar, si dhe të konsulentit, agjentit a përfaqësuesit të organizatave të përcaktuara në shkronjën ?a? të këtij neni?, thuhet në nenin 6 të kodit

Në Kodin për Sjelljen e Deputetëve janë përcaktuar masa të ashpra edhe sa i takon përdorimit të telefonit celular. Në nenin 10 është përcaktuar se në seancat plenare, por dhe në komisione dhe organe të tjera deputetët nuk duhet ta përdorin celularin. ?Gjatë zhvillimit të seancave plenare dhe mbledhjeve të organeve të Kuvendit, si rregull, deputeti nuk duhet të përdorë telefoninë e lëvizshme?, thuhet në kod. Nga ana tjetër janë ndaluar dhe dhuratat. ?Deputeti nuk mund të kërkojë ose të marrë, në mënyrë të drejtpërdrejtë a të tërthortë, dhurata, favore, premtime ose trajtime preferenciale, të cilat i jepen për shkak të pozicionit të tij, nga një individ, person fizik ose juridik privat?, është theksuar në dokument.

 





Lajmet e fundit nga