web counter
LEXO PA REKLAMA!

SHKARKO APP

App Store
Google Play

Basha-Mogherini: E duam Shqipërinë në BE, Rama në krah të krimit

4 Mars 2016, 07:32, Aktualitet CNA

Përfaqësuesja e Lartë për Politikën e Jashtme dhe të Sigurisë të BE-së, Federica Mogherini,  ka zhvilluar mëngjesin e sotëm një takim me kreun e Partisë Demokratike, Lulzim Basha. Takimi u zhvillua rreth orës 07:00 dhe zgjati rreth 30 minuta. Pas takimit, kreu i PD-së u shpreh i kënaqur me bisedimet. Ai bëri me dije disa nga cështjet ku u fokusua biseda. Një nga këto ishte reforma në drejtësi, ku kreu i opozitës u shpreh se ka informuar Mogherinin se mazhoranca po e refuzon reformën në drejtësi. Basha tha se i ka bërë me dije Mogherinit se kreu i qeverisë është rreshtuar në krah të krimit. Ai nënvizoi se kërkon që Shqipëria të nis negociatat, por sipas tij kjo gjë nuk mund të bëhet me Prengët, Bushët e Doshët.
?Folëm edhe për reformën në drejtësi, ku PD mbetet e angazhuar për një reformë të pakapur. PD mbetet e hapur për dialog. Maxhoranca refuzon reformën në drejtësi. Jemi për çdo reformë që sjell më afër vendin ndaj anëtarësimit në BE. Ne duam që Shqipëria të nisë sa më shpejt negociatat për të qenë anëtare e BE. Jemi të përkushtuar të bëjmë gjithçka në dorën tonë. Shqipëria në BE nuk mund të jetë e Prengëve, Bushëve e Doshëve por e demokratëve dhe socialistëve të ndershëm. Me rregulla loje që funksionojnë, me shtet që funksionojnë. Reforma në drejtësi është një proces, jo një ligj, që të shndërrohet në ligj lypset dialog politik, Kjo qeveri nuk i plotëson kushtet për dialog politik por e kundërta investon për konflikt politik. Takimi i sotëm ishte i frytshëm dhe inkurajues si në nivel delegacioni ashtu edhe ai kokë më kokë. BE rol konstruktiv duke stimuluar konsensusin?, tha Basha.





Lajmet e fundit nga