web counter
LEXO PA REKLAMA!

SHKARKO APP

Tension në Elbasan/ Ben Blushi flet përballë Edi Ramës dhe socialistëve

4 Mars 2016, 15:34, Aktualitet CNA

Partia Socialiste po zhvillon një takim në qytetin e Elbasanit lidhur me anëtarësimet e reja. Në këtë takim ka qenë i pranishëm kryeministri Edi Rama, por edhe deputeti Ben Blushi, i cili edhe pse nuk është njoftuar për këtë takim, është shprehur se do të jetë prezent për shkak se është deputet i këtij qarku.

Burime nga Elbasani thanë se  fillimisht deputeti socialist nuk është lejuar të flasë në këtë takim. Mësohet se deputeti Ben Blushi ka kërkuar fjalën, por nuk është lejuar.

Më pas, deputeti Blushi ka marrë fjalën, por nuk është lejuar të dëgjohet nga vërshëllimat. Në këtë moment simpatizantët e Blushit kanë filluar të largohen nga salla.

Ben Blushi është shprehur se ? Nuk vij në Elbasan se ndjehem i turpëruar. Kjo nuk është demokraci. Partia nuk është pronë e një njeriu të vetë. Duhet të ketë zgjedhje për kreun e PS-së. Po e pyes Edin përballë. Pse nuk do zgjedhje? Këtu ka banditizëm. Banditët janë këtu dhe në parlament?, tha Blushi

Ndërkohë është ndaluar transmetimi për mediat dhe gazetarët.





Lajmet e fundit nga