Intervista e plotë e ish-kryeministrit Berisha tek "Zone e Lire"/ Të vendosur për revolucionin demokratik

5 Mars 2016, 09:51, Aktualitet CNA

Ish kryeministri i vendit, Sali Berisha, ka qenë dje në emisionin ?Zonë e Lirë? në Tv Klan. Gjatë intervistës, Berisha foli për zhvillimet e fundit politike në vend. Ai tha se Shqipëria ka nevojë për një ndryshim dhe njerëzit janë të vendosur për të kryer revolucionin demokratik.

Arian Çani: Doktor faleminderit që u rikthyet në studion time, kishim dy vjet pa u parë, na kishte marrë malli. Doktor ju kam ftuar se jemi në një moment tmerrësisht delikat politik në Shqipëri por jo vetëm. A jeni mirë me shëndet Doktor?

Sali Berisha: Jam shumë mirë me shëndet Çani dhe meqë përmende një dy vjetor, më lejo ti dërgoj një përshëndetje të përzemërt Anxhela Martinit, e cila ishte këtu.

Arian Çani: Po ishte në krah. E mban mend Doktor, po?

Sali Berisha: Është një yll i bukurisë shqiptare.

Arian Çani: Po e bukur është. Doktor të falënderoj jashtë mase. Memoria juaj vazhdon të jetë e paparë, ndërkohë që e imja është dëmtuar rëndë. Po të më thonit se më kë isha Arian nuk do e mbaja mend. Por situata nuk është edhe aq e thjeshtë. Nuk jemi ende në fushatë elektorale dhe unë sigurisht që ju kam ftuar për të kuptuar se çfarë po ndodh në Shqipëri dhe ku po shkojmë. Më mirë se me një ish-kryeministër me një njëri që ka mbi 20 vjet në politikë mendoj se nuk mund ta bëja me askënd tjetër. Ju vazhdoni të jeni aktiv, por para se të flasim për situatën politike në vend, për debatin në parlament, për kryetarin Lulzim Basha, për strategjinë e opozitës, për mazhorancën, me thoni Doktor si u ndiet sot, me datën 4 mars 2016, ku dy incidente, unë i quaj të tillë mund të jenë edhe me të rënda; arrestimi i Kreshnik Spahiut se protestoi tek bashkia e Tiranës dhe kërcënimi i Ben Blushit në Elbasan? Dua të di reagimin tuaj.

Sali Berisha: Dy ngjarje të domethënies më të rëndë. Kur një parti politike merret me dënimin e veprave letrare, ky përbën një kulm të psikologjisë totalitare, të intolerancës. Veprat e Blushit nuk janë pronë e Partisë Socialiste, nuk janë dokumente dhe pamflete të Partisë Socialiste, janë fond i letërsisë dhe letrave të shqiptarëve, dhe kur një parti merr përsipër ti dënojë në salla mbledhjesh, është absolutisht kthim në ditët e zeza të Partisë së Punës së Shqipërisë të viteve ?70. Nuk flas fare këtu për kundërshtitë që mund të kenë si rival për kandidat. Kjo që bën Blushi është një absurditet i pakufishëm. Blushi kërkon që Rama të zgjidhet. Rama është i pazgjedhshëm është i përjetshëm. Këtë e kanë kuptuar të gjithë të tjerët, përveç Blushit. Rama është i përjetshëm, i pazgjedhshëm. A po e ndryshon për të dytën herë statutin sipas vetes së tij? Kur Fatos Nano i dorëzoi partinë , në një kat prej demokratik dhe liberali, gjoja, ndryshoi statutin dhe shkruajti në status që kur kryetari i partisë humbet zgjedhjet jep dorëheqjen. Humbi zgjedhjet, ndryshoi statutin dhe e bëri se kur kryetari i partisë humbet zgjedhjet nuk jep dorëheqjen, dhe tani kur kryetari i partisë është në pushtet nuk zgjidhet. Ky është enverizëm në të gjithë fuqinë e tij. Ky është kthim në një traditë, kjo është Parti e Punës, e cila ndërroi emrin. Për hir të së vërtetës, nuk mund ta mohoj, kur Fatos Nano nga anëtar i thjeshtë e mori dhe u bë përsëri kryetar, ai ishte akti më i thellë i reformimit të asaj partie. Ky tani e riktheu tek ?kryetari nuk zgjidhet?.

Arian Çani: Po më thonë tani që dhëndri i Sejdinit i ka thënë Blushit në sallë do të vras se ke bërë libër kundër gruas sime?

Sali Berisha: Intriga të tilla thureshin gjithnjë në proceset politike. Do të gjendej një pretekst tjetër për t?iu përvesh. Por të zbresësh deri në nivelin e veprës, kjo është, absolutisht, një ogur shumë i zi për vendin.

Arian Çani: Përveç këtij akti ishte dhe ai i arrestimit të Kreshnik Spahisë?

Sali Berisha: Një akt tjetër i shëmtuar ishte arrestimi i kryetarit të një force politike, i cili po bënte një protestë paqësore, një protestë me një simbol, meqë kryetari i Bashkisë nuk duket në zyrë, nuk duket në punë, se ku rri nuk dihet. Jam i bindur se ata e kanë vëzhguar. Tani i thanë se kjo derë nuk të shërben ty ndaj ta mbyllim. Problemi është se ai nuk komunikon me ta, nuk i pret në zyrë. Kjo ishte simbolika e asaj. Nuk mund të arrestohet kryetari i një partie. Edi Rama nuk ka të qartë, ka bërë 1753 protesta, nga të cilat edhe 3 të dhunshme dhe nuk e ka arrestuar njëri. Ka ca rregulla. Ai vuri çadrat, dhe bëri një grevë urie qesharake. Vetëm sa ia shumëfishoi xhiron një picerie që quhet ?Piceri Era?, asaj i shkoi xhiroja në qiell ato ditë që punoi ditë e natë për grevën.

Arian Çani: A janë këto shenjat të një autokracie që po vendoset me shpejtësi në Shqipëri?

Sali Berisha: Cilido që ka njohuritë më elementare të një regjimi policesk, Edi Rama ka vendosur në Shqipëri shtetin policesk. Ky zotëri ka në programin e qeverisë konceptin ?një polici një shtet?, të gjitha manualet e shteteve policeske këtë e kanë ligjin themelor. Ky e ka shprehur këtë. Vetëm revolucioni demokratik dhe asnjë zgjidhje tjetër nuk ka. Ky nuk ikën me votë. Edi Rama nuk largohet me votë, Edi Rama largohet vetëm me revolucion demokratik të qytetarëve shqiptarë.

Intervista quhet: TE VERTETEN DOKTOR

Arian Çani: Në 8 dhjetor të vitit të kaluar ju paralajmëruat revolucion demokratik. Por gjysmë ore para revolucionit që ju paralajmëruat, u takuat në të njëjtat ambiente, gjatë një eventi që organizonte Bujar Nishani në Sheraton, për 25 vjetorin e lëvizjes së dhjetorit me Edi Ramën. A ju duket normale kjo?

Sali Berisha: Nuk ishte mikpritësi ai, ishte i ftuar dhe unë protokollin presidentit nuk ia diktoj. Unë midis asaj që ti refuzoja ftesën Presidentit për një ngjarje historike dhe pranisë së tij, u detyrova të shkoj. Unë në protokollin e Presidentit unë nuk ndërhyj dhe presidenti ishte i detyruar të ftojë kryeministrin.

Arian Çani: A e zbeh kjo fillimin e revolucionit demokratik?

Sali Berisha: Unë mendoj se njerëzit dëshmuan se ishin shumë të vendosur dhe janë të vendosur për revolucion demokratik. E rëndësishme shumë sot është që të ketë një fillim të qëndrueshëm të tij.

Arian Çani: Gjatë protestës, njerëzve iu bë thirrje: ikni nga kryeministria dhe digjni bunkerin të ministria e brendshme. A është e njëjta skemë si 25 vite më parë kur Neritan Ceka i tha turmës: ikni nga blloku, shkoni te statuja e Enverit dhe rrëzojeni atë. Betoni ra por komunizmi mbeti. A ka një tradhti kauze këtu?

Sali Berisha: Jo. Sepse çfarë përfaqëson bunkeri! Përfaqëson Enver Hoxhën biz në qendër të Tiranës. Edi Rama e ka idhull bunkerin. Me 20 shkurt 1991 është bunkeri që i shpëtoi jetën bllokmenëve dhe që nga ajo kohë atij bunkeri i duket tempull.

Arian Çani: Prej 2 vitesh ju jeni shume aktiv në FB. Çdo statusi juaj mbyllet me një fjalën ‘revolucion demokratik’. Populli nuk i përgjigjet opozitës? Apo PD është kundër kësaj skeme?

Sali Berisha: Pyetje e vështirë për t?i dhënë një përgjigje të saktë. Por unë e përsëris në çdo fund statusi në parimin latin ?pika e shpon gurin duke rënë pa pushim?, edhe unë i besoj këtij parimi, kështu që persistoj në të, sepse vetëm ata që persistojnë fitojnë.

Arian Çani: Ndërkombëtaret kanë intensifikuar takimet me ju. Në Shqipëri ka pasur disa kryeministra dhe presidente, që janë ish, ish jeni dhe ju. Pse ata takohen pikërisht me ju? Të huajt ju shohin si kryeministrin e ardhshëm, si kryetari e PD? Apo si kryetarin de fakto të opozitës?

Sali Berisha: Absolutisht mund t?ju them asnjëra prej tyre. Të huajt më shohin pa diskutim si një njeri i cili, si një zë publik në njëfarë mënyre shumë persistent dhe jo pa ndikim. Ndokush mund të thotë se ndikon tek PD-ja, po unë ndikoj jo më pak tek Edi Rama dhe tek PS-ja, e pohojnë vetë ata jo unë.

Arian Çani: Prej 20 vjetësh, faktori ndërkombëtar ju ka konsideruar si liderin me influencën më të madhe të shqiptarët në rajon. Ndërkohë Rama është shumë afër Thaçit dhe Albin Kurtit. Po juve Doktor a ju ka mbetur ndonjë partner në Prishtinë apo Shkup Janë larguar ata? Apo jeni larguar ju?

Sali Berisha: Në karrierën time politike, pas zhvillimit më pluralist të botës shqiptare, unë kam adaptuar qëndrimin e një ekuidistance, le të themi, në mënyrë që të ruaj marrëdhënie të mira, normal, e me të gjitha forcat politike, duke mos injoruar në asnjë rast trashëgiminë e marrëdhënieve me Lidhjen Demokratike të Kosovës.

Arian Çani: Pra preferenca juaj është për LDK?

Sali Berisha: Unë kam respektuar dhe i respektoj njëlloj të gjitha forcat politike në Kosovë. Kështu që unë mbetem i hapur. Qëndrimi i tyre ndaj meje varet prej tyre jo nga unë.

Arian Çani: Ju e uruat Thaçin apo jo?

Sali Berisha: Pa diskutim që po. Në Facebook, publikisht.

Arian Çani: Doktor ju si politikan realist dhe tashmë jo kryeministër, bashkoheni me urimet butaforike që vijnë nga Tirana? Apo me antikonformizmin e kuqezinjve të Kreshnik Spahiut, i cili bëri ‘një gjysëm-urim, për gjysëm Presidentin në gjysëm shtetin e gjysëm pavarur të Kosovës’?

Sali Berisha: Çfarë zhvillimesh kemi në Kosovë! Ka një koalicion i cili ka marrë shumicën e votave, është një koalicion i gjerë, i tipit gjerman, austriak, një koalicion e mëdha që quhen këto. Në këtë kontekst, zgjedhja e presidentit, e Hashim Thaçit është plotësisht legjitime. Lidhur me elitat, Kosova kishte dy lloj elitash. Njëra elitë ishte elita e LDK-së, e cila ndoqi pothuaj tërësisht gandizmin e Ibrahim Rugovës, krijoi pushtetin paralel. Por Kosova ka edhe elitën tjetër të maleve, guerrile, të luftës, Thaçin, Haradinajn dhe shumë të tjerë. Cili ishte problemi i Kosovës? Problemi i Kosovës ishte nëse kjo elitë, me origjinë guerrilase, do të mund të shndërrohej në një elitë civile apo jo, do të mund të shndërrohej në një elitë, e cila do të përqafonte tashmë vlerat paqësore, vlerat demokratike. Mendoj se këta e kanë faktuar këtë. Të gjithë këta që erdhën nga radhët e luftëtarëve e kanë faktuar këtë, e kanë treguar veten.

Arian Çani: Si ju duket fakti që e marrin Albin Kurtin dhe shokët e tij, i fusin në burg, i nxjerrin prapë , pra në një farë mënyre atje është një opozitë e diskriminuar tërësisht. Si ka mundësi që amerikanët dalin dhe flasin hapur kundër opozitës. Ndiheni keq kur shikoni këto skena?

Sali Berisha: Ndihem shumë shumë keq kur shoh përfaqësues të qytetarëve të Kosovës, të arrestohen, të burgosen, por duhet të dini një gjë. Imuniteti nuk është i individit. Imuniteti është i parlamentit, që do të thotë se abuzimi në atë shkallë ekstreme që behet në parlament, është absolutisht i papranueshëm. Unë marr opozitën e sotme të Kosovës, kam shumë miq, shumë të njohur. Protestojnë për marrëveshjet. Ok, Gjykata Kushtetuese ka dhënë një vendim. Të ulen, të kërkojnë tryezë dhe të diskutojnë, të hartojnë në përputhje me Gjykatën Kushtetuese statusin e marrëveshjes. Kjo është rruga. Gjykata Kushtetuese i ka lënë të hapur këtë.

Arian Çani: Pra ju jeni dakord me amerikanët?

Sali Berisha: Do të them një gjë. Partia e Vetëvendosjes është forca politike e vetme në Kosovë, jo e vogël, e cila thotë se jam për bashkim kombëtar. Unë nuk e qortoj fare për këtë, pse ajo është për bashkim kombëtar. Unë kam respekt për atë që shpall ajo. Por një gjë them këtu dhe e them me bindjen më të thellë, që kjo formë pune që ndjek ajo, është absolutisht në kundërshtim më idealin e bashkimit kombëtar. Nuk mund të ketë Bashkim Kombëtar duke përdorur dhunë në Parlamentin e Kosovës. Nuk mund të ketë bashkim Kombëtar pa bindur qytetaret e Kosovës, qytetaret e Shqipërisë dhe aleatët tanë.

Arian Çani: Ju e quani dhunë gazin lotsjellës doktor?

Sali Berisha: Dhunë të papranueshme.

Arian Çani: Ku ndryshojnë nga vezët se edhe ju e bëtë këtë?

Sali Berisha: Veza me gazin lotsjellës? Veza të bën të ndërrosh një xhaketë, kaq. Gazi lotsjellës e bën seancën të pazhvillueshme, plus që ka pasoja të tjera. Nuk jam kurrë dakord me gazin lotsjellës.

Arian Çani: Ju nuk do e bënit kurrë në parlament, gazin lotsjellës?

Sali Berisha: Jo kurrë. Nuk është ky një veprim kundër Edi Ramës, është veprim kundër tempullit qendror të shtetit tim.

Arian Çani: Jeni dakord me ambasadorin Amerikan në Kosovë, kur thotë se jam i zhgënjyer nga opozita Kosovare.

Sali Berisha: Unë personalisht jam totalisht kundër veprimeve të tyre në sallën e parlamentit dhe jam i bindur se një force politike, e cila proklamon bashkimin kombëtar, me ato veprime bën të kundërtën. Arian një gjë dua t?ju them shqiptarëve. Po të ishte problemi për atë lloj bashkimi, Sllobodan Millosheviçi në vitin 1993-1994 ishte 100 herë i gatshëm ta nxiste. Nuk dua të paralelizoj. Nuk them fare se këta kanë lidhje me të, por ai është një bashkim kaotik, i cili në fund të fundit, po ta marrim si skemë që do realizohet, do të ketë për pasojë një ndarje të thellë të Kosovës, në një kaos. Nëse Shqipëria bashkohet me Kosovën, bashkohen si dy shtete të konsoliduara. Dhe kur do të vijë ajo? Ai është një proces? Le të luftojë Albin Kurti, unë nuk kam asnjë lloj objeksioni për këtë, por duhet të bindë qytetarët e Kosovës, duhet të bindë qytetarët shqiptarë. Edhe ideali kombëtar i bashkimit, nuk është një ideal për t?u përthyer në atë mënyrë, është një ideal i lartë, i shenjtë.

Arian Çani: Doktor meqë jemi të revolucioni demokratik, që populli të heqi aleancën e qelbësirave… Atëherë a mund ti thoni popullit që po na dëgjon sonte: për kë duhet të çohen në revolucion? Që të heqin këta të Ramës dhe te votojnë prapë ish- ministrat e PD?

Sali Berisha: Relative kjo që thoni ju. Unë them që populli duhet të ngrihet në një revolucion. Sot në Partinë Demokratike është fibra politike e saj nga ish zyrtarët, por ka një grup të gjerë të rinjsh, të cilët akoma nuk kanë arritur të ekspozohen, por janë me CV shumë të mirë. Janë të formuar në shkollat më të mira.

Arian Çani: Unë personalisht nuk kam asgjë kundër ish-ministrave. Kur shkojmë në një moment zgjedhor, ka shumë njerëz që janë të zhgënjyer nga kjo qeveri se s?ka mbajtur premtimet, dhe shohin nga ana tjetër janë po ata. Keni një mundësi për ti shpëtuar kësaj në 2017 apo jo?

Sali Berisha: Unë mendoj se gërshetimi që kryetari i ri i PD-së ka bërë midis gjeneratave, është përgjigja më e mirë e kësaj që thoni. Por nëse ju thoni se ata që janë ish-ministra duhen flakur, unë mund të them se sot kryetari i parlamentit Britanik është një superstar i Theçer dhe u bë ministër i jashtëm etj. Njerëzit duhet të gjykohen individualisht.

Arian Çani: A mendoni se funksionon, se ju në 2005 bëtë lajm të madh me KOP-in?

Sali Berisha: KOP-i ndodhi pas disa vitesh opozitë. Kur ishin afruar të gjitha rrethanat e PD.

Arian Çani: Që do të thotë se këtë në PD do e presim në 2020?

Sali Berisha: Jo në asnjë mënyrë. Kurse ripërtëritja në PD erdhi disa muaj pas humbjes së saj., që ishte një gjë shumë e mirë. Unë mendoj se shqiptarët mezi po presin të shohin PD-në në pushtet.

Arian Çani: Do të kemi zgjedhje të parakohëshme?

Sali Berisha: Shanset janë të mëdha. Janë sepse Edi Rama kalon nga dështimi në dështim.

Arian Çani: Ky është koment??

Sali Berisha: Ky nuk është koment, është realitet. Në çdo gjë.

Arian Çani: Kush i provokon zgjedhjet ??

Sali Berisha: Sovrani. Tre javë në bulevard dhe Edi Rama mund të mendojë të kërkojë azil politik, deri aty mund të arrijë.

Arian Çani: Keni menduar se çdo të bëni për t?u dukur ndryshe, se në një fare mënyre bulevardi është një imitim?

Sali Berisha: Ka gjeni krijuese. Revolucioni demokratik bazohet në një larmi të madhe. Ka mbi njëqind e ca lloj veprimesh të revolucionit demokratik e të mosbindjes civile.

Arian Çani: Edi Rama në mandatin tuaj të parë s?ka bërë ndonjë gjë të madhe ka qenë i qetë. Në mandatin e dytë u bë agresiv dhe me greva. Mos po bëni dhe ju të njëjtën gjë duke thënë tek mandati i parë të mos e ekzagjerojmë tek i dyti pse jo?

Sali Berisha: Unë mendoj se ne po përpiqemi të qëndrojmë në mënyrën më të fuqishme. Pas tete vitesh në pushtet, PD kaloi disa procese të domosdoshme. Tani ajo i është përveshur kundërshtarit për ta nxjerrë sa më parë nga pushteti, sepse nuk e meriton. Nëse Edi Rama nuk do të kalonte nga skandali në skandal, nga dështimi në dështim, absolutisht PD mund të qëndrojë edhe 10 e më shumë vite në opozitë.

Arian Çani: Suksesin tuaj të parë e arritët sot. Dekriminalizimi pas dy vjet përpjekjesh sot u miratua?

Sali Berisha: Sot u votua, por Edi Rama nuk ishte aty.

Arian Çani: Sot duhet të jeni të kënaqur, si ka mundësi që ikët nga salla?

Sali Berisha: Jam pjesërisht i kënaqur. Pse? Sepse ka dy vjet që energjitë më kryesore janë përqendruar të mbrojmë parlamentin nga kriminelët, të heqim kriminelët nga parlamenti. Nuk ka asgjë më të shëmtuar se kjo. Ti kur hedh sytë aty, sheh me radhë dhe kupton se ti je pothuajse në një kolektivitet të burgosurish, por ata të paktën kanë bërë dënimin, po bëjnë dënimin dhe janë konform ligjit. Kurse këta janë të gjithë të kundraligjshëm dhe ata janë aty. Edi Rama kulmoi duke sjellë tjetrin që ka plagosur dy vëllezër, njërin tek pragu i shtëpisë së tij dhe tjetrin tek rajoni i policisë, e liroi dhe e solli në parlament. Ky mund të jetë shkak i një konflikti shumë të hapur, sepse ka një fund për çdo gjë.

Arian Çani: Dezintegrim, çdo të thotë?

Sali Berisha: Dezintegrim do të thotë që opozita të djeg mandatet. Do të thotë se pushon së qenuri si pjesë e parlamentit?

Arian Çani: Çfarë ndodh?

Sali Berisha: Ndodh një parlament monist dhe populli do t?i japë përgjigje. Sepse ne jemi aty për të mbrojtur interesat e qytetarëve. Por qytetarët nuk kanë krijuar një parlament për t?ju vjedhur pasuritë. 150 herë ka marrë paratë Koço Kokëdhima në kundërshtim me kushtetutën dhe është e faktuar. Në kundërshtim me kushtetutën na bllokuan. Shkoi në gjykatë. Gjykata kushtetuese i urdhëroi që të sjellë urgjent vendimin se nuk mund ta bllokoni. Koço Kokëdhima bën ligjin aty. Nuk është vetëm Koço. Deputetja tjetër, i ka marrë i biri hekurudhën dhe thotë se gënjej unë. Po a ka një ligj konflikti interesi që mbron pasuritë e shqiptarëve nga lukunia e pushtetarëve. Sigurisht ai ligj është. Nëse e bëjnë të paqenë atë ligj, atëherë aty është një çerdhe kusarësh, vrasësish, trafikantë dhe nuk ke pse rri më aty.

Arian Çani: Po Lulzim Basha çfarë thotë, se ju thoni se i bindem por se kam dëgjuar të flasë??

Sali Berisha: Sigurisht që i bindem. Padiskutim. Diskutimi që është bërë në mbledhjen e fundit të grupit ka qenë në tërësi, sigurisht që ai është kryetar dhe duhet të bëjë një lloj arsyetimi edhe më të përgjithshëm, por kjo linjë ka qenë më e mbështetura aty. Ti ke folur dy vjet për dekriminalizimin dhe vjen tjetri dhe futet në parlament. Atëherë ne i themi popullit se ky parlament nuk është për të mbrojtur interesat tuaja por për ata që duan të mbrojnë interesa krimi.

Arian Çani: E shikoni pra që Albin Kurti me shokët e tij kanë të drejtë që kanë arritur deri tek gazi lotsjellës?

Sali Berisha: Jo nuk kanë të drejtë që kanë vajtur tek gazi lotsjellës. Albin Kurti nuk ka të drejtë të ndërmarrë veprime guerrile në parlament. Albin Kurti të bëjë atë që bëri Ramush Haradinaj. Të dorëzojë mandatin dhe të vazhdojë protestën. Parlamenti nuk është ashtu. Në parlament ke të drejtë ti thuash sovranit popull, se ky parlament ka degraduar dhe unë nuk e gjej më veten këtu.

Arian Çani: Ku ta vazhdojnë protestën në rrugë?

Sali Berisha: Në rrugë, në sheshet e qyteteve dhe kudo tjetër. Janë ngulur çadra në shesh. Ka njëmijë forma proteste. Nuk e pranoj kurrë atë që kanë bërë në parlament. Se mund ta bësh. Por mos harro se ti hedh një bombë dhe ai tjetri të hedh një bombë. Nuk shkohet në këtë mënyrë. Veprimet që bën duhet të mendosh pasojat. Jo të çosh në pafundësi durimin e tjetrit. Unë nuk jam dakord me këtë.

Arian Çani: Mos ndoshta Edi Rama është i fuqishëm, e kishit parashikuar ju që ky njeri del me një fuqi të paparë e keni parë se çfarë tha tek Sokol Balla ( Rama: Në qoftë se unë do të kisha në kontroll gjykatat, minimalisht përpara gjykatës do të ishte Sali Berisha dhe Lulzim Basha për 21 janarin)?

Sali Berisha: Ekzakt psikologjia e të sëmurit. Është i sëmurë. Ai e di që vendi i tij, për 21 janarin, është atje ku e meriton.

Arian Çani: Ky është njëri që ka fuqi, kush e mbështet?

Sali Berisha: Në momentin që shqiptarët të vendosin për ti thënë ik, i bindur të jesh se ky është i pari që do t?ia mbathë dhe nuk do të dijeëse ku të ndalet. Ky Edi Rama që thua ti i fortë, dhe koha do ta tregojë sesi do t?ia mbathë. Sot ishte një lajm në mediat botërore, ish presidenti i Brazilit Lula arrestohet, sepse ndërtuesit i kishin ndërtuar vilën, i kishin ndërtuar sarajet e Surrelit. Ndërtuesit në konflikt flagrant interesi, i kishin ndërtuar presidentit Lula sarajet e Surelit. Që do të thotë se shpirti i tij nuk gjen paqe për asnjë moment. Është kollaj t?i bësh veprimet duke përdorur pushtetin. Pushteti ekzekutiv është pushteti kryesor, më i fuqishmi, është lehtë ta përdorësh për tu pasuruar, për tu bërë me saraje, për të udhëtuar me saraje. Po ama do të vijë një ditë që Byroja e Hetimit do të votohet, por jo siç do ai me Saje qorrin kryetar të saj, nuk mund të jetë ajo, sepse ajo nuk është Byroja e tij. Ai është përvetësim i hetimit.

Arian Çani: Pse nuk po flitet më për Byronë e Hetimit?

Sali Berisha: Sepse ai ka frikë të tmerrshme prej saj. ai po saboton të gjithë reformën vetëm për shkak të saj. Ai ka frikë, sepse dosjet e tij janë palë-palë.

Arian Çani: A ka qenë në platformën e tij elektorale?

Sali Berisha: Si ka qenë!? Ka qenë që të ketë varësi nga kryeministria. Këtu erdhi njëri nga juristët më të mëdhenj të këtij kontinenti që është zgjedhur si një nga tre të urtët e Europës për të zgjidhur kundërshtitë mes Europës dhe Austrisë, kur Hayderi hyri në qeveri. Është konsulent i qeverisë gjermane, amerikane për disa çështje shumë sensitive dhe tha në mediat shqiptare se kjo është e paimagjinueshme. Kjo nuk mund të ndodhë kurrë në një vend demokratik. Nuk mundet në sistemin parlamentarë që kryeministri të marrë hetimin, në asnjë lloj rrethanë.

Arian Çani: FBI në Amerikë në varësi të kujt është?

Sali Berisha: Është presidenciale. E ka shtatë vjeçar emërimin drejtori i FBI. Është një traditë qindra vjeçare e konsoliduar. Por mos harro se ai vend është i vetmi që heton presidentin në detyrë dhe jo presidentin pasi ka lënë detyrën. Siç ndodh në Europë që nuk e hetojnë, ata e hetojnë. E hetojnë me një prokuror special, të veçantë. Ata i kanë të përpunuara, të konsoliduara mekanizmat. Kurse në Europë nuk ka asnjë vend, republikë parlamentare, që të marrë në sqetull kryeministri hetimin.

Arian Çani: Pse nuk e bën Rama këtë gjë me 71 vota?

Sali Berisha: Ia rrëzoi Gjykata Kushtetuese dhe çfarë bëri? Pasi ranë dakord me të gjithë tani në shkurt, që të presim që të vijnë rekomandimet e Venecias dhe ta amendojnë me sugjerimet e Venecias. Ato kanë ardhur. E keni vënë re që është i vetmi që nuk thotë një fjalë për rekomandimet e Venecias? Rekomandimet e Venecias në mënyrë të kristaltë qartësojnë se ky organ, Byroja Kombëtare e Hetimit duhet të jetë organ prokurorie dhe jo policie, dhe kanë të drrejtë kur thonë me një varësi fare minimale nga Prokurori i Përgjithshëm ose krejtësisht i pavarur, por në asnjë mënyrë nën kthetrat e policisë. Çfarë ndodhi me Prengën? Një muaj më prapa dërguan gëzhojën në Fushë-Kuqe ku thanë se Prenga nuk ka qëlluar me revolen pa leje, por me revolen me leje. Po këtyre t?jua japësh hetimin? Nuk ka më hetim këtu. Kur ti bën këtë, ti ke vendosur krimin në sistem, që prish dhe manipulon çdo provë.

Arian Çani: Si do t?ju përgjigjeni ju njerëzve që nuk ju shohin dot me sy dhe nuk ju duan dhe që vazhdojnë akoma ti bien të njëjtës këmbanë, PD nga njëra anë dhe Meta nga ana tjetër nuk e duan reformën në drejtësi se kanë frikë se shkojnë në burg?

Sali Berisha: Përgjigja ime është kjo. Reforma në drejtësi ka institucion kryesor Byronë Kombëtare të Hetimit, apo njësinë antikorrupsion. Dhe e vërteta është për ata që e njohin, se nëse do të kishte funksionuar lufta kundër korrupsionit, sistemi do të ishte krejtësisht tjetër, ligjet janë të shkëlqyera, por problemi është se nuk ka funksionuar lufta kundër korrupsionit. Byroja e Hetimit është konceptuar për ti dhënë një shtysë të vërtetë luftës kundër korrupsionit. Ka dy rekomandime Venecia për këtë. E para duhet të jetë në prokurori dhe kjo nuk lëvizet. Dhe thotë ?ose me një vartësi të lehtë nga Prokurori i Përgjithshëm ose të jetë krejt i pavarur”. Jam unë që kam hartuar disa vite më parë ligjin në të cilin ligjin Task Forcën antikorrupsion pothuaj, jo krejtësisht, e shkëpusja nga prokuroria, domethënë nuk kishin të drejtë prokurorët eprorë t?ia kthenin dosjen prokurorit të task forcës antikorrupsion. Nuk ma pranuan, opozita e shkuar. Unë tani e pranoj, e pranoj që nesër. Nëse sjellin këtë, urdhëro që nesër. Të sjellin të votojmë Byronë Kombëtare të Hetimit ashtu siç e ka rekomanduar Venecia, si një institucion i prokurorisë, ose me një varësi të lehtë nga Prokurori i Përgjithshëm ose pa asnjë varësi. Po ku është problemi për këtë pa asnjë varësi. Jam dakord të ishte pa asnjë varësi, po të ishte për kryeministrin, kryetarin e parlamentin, presidentin, se e degradon, se po ta bëjmë pa asnjë varësi druaj shumë se ajo do të ngarkohet në mënyrë të paimagjinueshme me dhjetëra e qindra dosje të nëpunësve dhe do të ketë shumë vështirësi në trajtim. Por po qe se Edi Rama do pa asnjë varësi, që nesër e votojmë pa asnjë varësi. E varur nga ligji. Nga Kodi procedurës, kodi penal, kushtetuta etj. Ekzistojnë këto. E thotë Venecia dhe jemi dakord.

Arian Çani: Kush ia jep buxhetin këtij institucioni.

Sali Berisha: Qeveria. Ajo i cakton buxhetet kudo në botë.

Arian Çani: Prokuroria sot është e pavarur?

Sali Berisha: Si ligj po. Tjetër punë pastaj që ka kërcënime të paimagjinueshme nga qeveria. Ngritja e saj kërkon një mbrojtje totale nga zyrtarët.

Arian Çani: Si arrihet. Duhet të jene mbinjerëz?

Sali Berisha: Vendet tjera e kanë arritur dhe ne nuk kemi pse të mos e kemi. Derisa Venecia e thotë. atëherë duhet të ekzistojë. Venecia ka të gjithë arkivën e drejtësisë në Europë dhe në botë dhe përderisa e thotë, do të thotë se kjo ekziston. Kjo është përgjigja: le ta sjelle ta votojmë që nesër, siç thotë Venecia. Ai që ka frikë atë ai nuk vjen për ta votuar.

Arian Çani: Jemi kthyer në këtë pjesë të dytë më ish-kryeministrin Sali Berisha. Nëse nuk gaboj zgjedhjet e ardhshme mbahen vitin tjetër. pra kemi vetëm një vit e pak për këtë qeveri?

Sali Berisha: Shumë janë. Për Edi Ramën janë shumë. Nuk meriton as gjashtë javë.

Arian Çani: Unë dua të di çfarë po ndodh me Ilir Metën, a e shihni ju që në rrethana të pa zakonta të riktheheni në koalicion me LSI?

Sali Berisha: Nuk gjen ti kurrë në karrierën time politike, akte politike konspirative. Unë jam gjithnjë i politikës direkte. Pra, unë mendoj se përballja me Edi Ramën apo me Ilir Metën duhet të jetë direkte, pastaj se çfarë sjell përballja ajo analizohet, por një forcë e madhe si PD nuk mund të bazojë asgjë në konspiracion politike.

Arian Çani: Por kjo gjë ka ndodhur?

Sali Berisha: Po ka ndodhur hapur. Rezultati i zgjedhjeve në vlerësimin tim është ai që përcakton koalicionin. Ke dy alternativa. Ose të pranosh një koalicion edhe me ata që nuk do, ose të shkosh në zgjedhje, ose të pranosh që ata të krijojnë koalicionin e tyre, ose të rrish në opozitë.

Arian Çani: Qëndrimi juaj cili është. Më mirë në opozitë apo të ktheheni prapë me Ilir Metën?

Sali Berisha: Nga ajo dorëheqja që kam bërë mos kujtoni se nuk ka disa vet-sanksione. I vë vetes disa sanksione. Jo në çdo gjë i lejoj vetes ti fus hundët, janë atributet e kryetarit. Unë si kryetar PD kam qenë i mendimit se nuk mund të çosh vendin për së dyti në zgjedhje. Pse e kam pasur këtë? E kam bërë këtë si një qëndrim respektues ndaj sovranit. Ai të dha kaq vota ty. Pse do të shkosh ta stresosh përsëri. Bëj zgjidhje, ke këto vota që të dha. Nuk të dha vota për të qeverisur pa koalicion. Të dha vota për të qeverisur me koalicion. Atëherë respektojë këtë. Ky është një kod. Të tjerët thonë jo unë shkoj në zgjedhje derisa populli të më votojë më shumicë që të qeveris vetë. Unë nuk kam qenë i tillë.

Arian Çani: Si një njohës i mirë i politikës. Si e shikoni në këtë duel qeverisës, Rama e mund Metën, Meta e mund Ramën apo në këtë moment pazari është mbyllur Meta do të jetë president në 2017?

Sali Berisha: Rama nuk mbyll kurrë pazar. Rama ka vetëm një qëllim. Rama e di që është kryeministër aksidental dhe të jesh kryeministër aksidental, je si gjysmë gjeli. Sepse ai ka 64 deputetë. Pasi ndejti tetë vite në opozitë nuk shtoi dot arriti në 64 deputete. Ai që shtoi deputet është Meta. Po të mos bënte Meta koalicion me të, ai nuk bëhej kryeministër. Ai është aksidental. Këtij i duket vetja gjysma gjel. Këtij i thotë mendja me çdo kusht të marrë LSI. Unë nuk përjashtoj edhe oreksin e Metës për të marrë PS-në. Sepse në politikë ai nuk ka kufi në ambicien e tij. Edhe mund ta ketë. Por Rama e ka të pakontrolluar. E ka për jeta a vdekje. Meta nuk e ka këtë. Meta e ka ndryshe pozicionin. Kurse Ramën në opozitë, nga leckat e kërrejnë të vetët, e ka për ekzistencën e tij politike. E di që është gjysmëpeshk.

Arian Çani: Por është kryeministër?

Sali Berisha: Gjysëm.

Arian Çani: Pse të njëjtën gjë mund të themi edhe për ju, edhe ju keni qeverisur me Ilir Metën?

Sali Berisha: Jo koalicioni ka funksionuar tërësisht sipas parimeve.

Arian Çani: Deri me 1 prill kur u prish. Nuk e morëm vesh kurrë pse u prish?

Sali Berisha: Nuk ka rëndësi. Deri ditën që është prishur absolutisht që ka funksionuar.

Arian Çani: U prish për fajin tuaj apo për fajin e tij apo kur ndahet një çift të dy e kanë fajin?

Sali Berisha: A ishte një koalicion natyral të themi? Jo. Ajo ishte një partie e majtë ndërsa ne e djathë. Ishte një koalicion në rrethana të caktuara. Ku unë, për të mos shkuar prapë në zgjedhje, se kishim 70 deputetë në koalicionin tonë, zgjodha këtë opsion. Kaq ishte interesi i tij për të qëndruar në koalicion me PD, kaq ishte interesi im. Unë vështirë se do të shkoja në fushatë elektorale me ta.

Arian Çani: Ambicia për pushtetin këta janë akoma të re, Rama dhe Meta kanë akoma kohë?

Sali Berisha: Kanë, por Rama e ka të vështirë shumë. Se ai është i çmendur pas pushtetit dhe parave.

Arian Çani: Ata që e duan thonë se nuk e ka shumë paranë qëllim në vetvete?

Sali Berisha: Më shumë se kushdo tjetër.

Arian Çani: Ndahen këta për para?

Sali Berisha: Tani, janë shtylla pushteti, janë shtylla pushteti. Varet nëse ti do të përqendrohesh tek pushteti dhe jo paratë. Varet nëse do të përqendrohesh tek paratë dhe jo tek pushteti. Por një gjë është e sigurt. Që pasioni i tij për paranë ka kufi vetëm qiellin. Edi Rama është i çmenduar. Është i vetmi politikan që i kanë dalë hapur kur ishte Kryetar Bashkie se na kërkoi 20%.

Arian Çani: Asnjë provë nuk ka?

Sali Berisha: Provat nuk i ka mohuar dot asnjë. Si nuk qenka provë sarajet e Surrelit. Pse nuk e bën ti saraje si të Surrelit.

Arian Çani: Unë e bëj se kam rrogë shumë të mirë?

Sali Berisha: Unë se bëj dot në mënyrë absolute. Vetëm po të shkoja të merrja një kredi dhe nuk doja ta zhys veten në borxh dhe nuk kisha rrogë të vogël. Edhe unë ka mbi 20 vjet që kam pas rrogë të mirë.

Arian Çani: Ju po përmendi shtëpinë e Ramës, por nuk besoj se ai nuk ka menduar se një ditë do ta justifikojë. Di që bashkëshortja e tij është marrë me biznes prej vitesh?

Sali Berisha: Janë të deklaruara dhe të evidentuara. Bashkëshortja e tij nuk ka një faturë të vetme për pallatin pesëkatësh. Edi Rama është i vetmi kryeministër që behet kryeministër me një pallat në pajë dhe sarajet në Surrel janë tre vila atje. Është 57 metra gjatësia e themelit. Vetëm pigmenti i betonit ka kushtuar 75 mijë euro. Po hyre në ilegalitete ka rrjedhje të mëdha. Vetëm tendera sa ka fituar ndërtuesi i vilës. Ka fituar pesëfishin. Do ai të na provojë të kundërtën? Le të vijë të votojë nesër Byronë e Hetimit, siç ka rekomanduar Venecia dhe me atë do të më thotë mua dhe shqiptarëve që unë nuk kam frikë nga vetja ime. Byroja është gracka ku shpirti i tij kapet, siç thotë Shekspiri, si laraska.

Arian Çani: Ai ka shitur shumë libra dhe piktura?

Sali Berisha: Në tatime nuk ka asgjë. Kush po ia blen. Zhgarravina. Një nga personalitete më të shquara që ka vizituar Shqipërinë gjatë këtyre kohëve, nuk po ia them emrin, sepse nuk kam autorizimin e tij. Shkoi në zyrë dhe tha, – ju jeni popull fatkeq. Pse, – i tha ai që po e shoqëronte. Sepse nëse ky njeri është kryeministër siç është piktor,ky është një nulitet, sepse i ka zhgarravina. Pa asnjë vlerë artistike. Tha se jeni popull fatkeq, mjerë ju kë keni kryeministër. Po bën njëri zyrën e kryeministrit me zhgarravinat e veta? Ai është një fetishist i sëmurë dhe i mban vizitorët. Çfarë thonë ata kur dalin. Pamë zhgarravinat. Ju duken marrëzi dhe zhgarravina pa vlera artistike. Vetëm ka një të mirë, nuk harxhon shumë, se i bën në format A4 se përndryshe do të shndërroheshin paratë e taksapaguesve në telajo.

Arian Çani: Pavarësisht luftës se opozitës dhe ka pika shumë të forta siç ishte dekriminalizimi. Ajo që më intereson, nuk është e pamundur që në 2017 vetëm për të vazhduar pushtetin Meta të shkojë president dhe ky të vazhdojë kryeministër?

Sali Berisha: Opozita duhet të bëjë gjithçka për ti dhënë duart brenda kësaj pranvere këtij. Revolucion demokratik, mbi 100 forma të mos bindjes civile dhe metoda demokratike derisa ky t?ia mbathë.

Arian Çani: Ju përgjigjet populli?

Sali Berisha: Pas Enver Hoxhës dhe Ramis Alisë, ky është njeriu më antipopullor që ka pasur Shqipëria. Populli ngrihet, do organizim, populli është i gatshëm.

Arian Çani: Mungon organizimi nga ana juaj?

Sali Berisha: Sigurisht do organizim. Opozita kur ta thërrasë, duhet ta thërrasë që t?i japë duart. Ky forcën e ka krejtësisht tek mafia dhe krimi, por opozita duhet të qëndrojë dhëmb për dhëmbë dhe nuk duhet të lëshojë qoftë edhe një milimetër krimit, kusarëve por duhet të qëndroje më forcën më të madhe. Çdo gjë e kanë bandat por trimëri nuk kanë, ata e kanë trimërinë derisa ti ju trembesh, nëse ti nuk ju trembesh ata janë më frikacakët e kësaj toke.

Arian Çani: Desha të shuaj një kuriozitet të fundit aq sa keni mundësi. Para pak kohësh ju mbajtën një fjalë në parlament që u komentua shumë. E kam fjalën për Sorosin për influencën e tij. Tani e shoh se duke folur për zgjedhjet në Amerikë shtrohet pyetja se kush do të fitojë, pasi ka ndikim edhe atje shumë. Duke e quajtur asi i spekulimit. Edi Rama është njeriu i Sorosit në Shqipëri prej 20 vjetësh?

Sali Berisha: Ajo çfarë kam thënë për Xhorxh Soros është kryespekulant i botës, sepse pasuria e tij është bazuar mbi spekulimin. Është legal. Është procedurë legale për të cilën unë nuk do të isha kurrë dakord të lejohej. Po t?u referohesh librave të shenjtë, ajo është e dënueshme edhe në Bibël edhe në Kuran. Xhorxh Soros sipas prediksionit të tyre, kurrë nuk do të shohë asnjë minutë në parajsë. Çfarë thotë Krishti për ta, ?në vrimë të gjilpërës duhet të kalojnë që të shohin derën e parajsës?. Kurse Kurani e ka kategorikisht të ndaluar, interesin, le më spekullimin. Ai është monument i gjallë i spekullimit mbi tokë. Ai është një promovues gjoja i shoqërisë së hapur, por në fakt i shoqërisë opskure, sepse është një mbështetës i mbeturinave të klikave komuniste në ish vendet komuniste. Është gjeni në financa, nuk njoh njeri tjetër gjeni në financa si ai, këtë duhet ta them. Ai është më oskur se çdo njëri tjetër në veprimet e tij. Vijmë tek Hilari, po e lëmë si Sekretare Shteti që ka qenë një nga njerëzit më të suksesshëm, por kur ka qenë avokate kur Billi ishte guvernator, Niksoni thotë se kjo grua ka një inteligjencë të frikshme, në kuptimin pozitiv e tha këtë. Hilari ka përcaktimet veta pozitive shumë të kristalta dhe nuk mund të ketë ndikime nga Sorosi.

Arian Çani: Pra ju thoni që miqësia e Edi Ramës me Sorosin ?.?

Sali Berisha: Cherchez la femme

Arian Çani: Që do të thotë është një grua në mes?

Sali Berisha: Padiskutim.

Arian Çani: Po kush është gruaja?

Sali Berisha: Nuk jam unë për të bërë biseda të tilla kaq mund të them.

Arian Çani: Thonë që është një huaj?

Sali Berisha: Këtë nuk e di. Atë nuk e them.

Arian Çani: Është kjo arsyeja që i lidh ata të dy?

Sali Berisha: Ka qenë arsye e përjetshme. Nuk është individuale. Ai e ka dashurinë për Ramën dhe e ka thënë. Ai ka thënë edhe Lulzim Bashës i shprehur kënaqësinë që Rama ishte kryeministër.

Arian Çani: Ky nuk është favor?

Sali Berisha: Ky është realiteti. Unë nuk them se e kemi favor. Nuk është një gjë e pakapërcyeshme. Revolucioni demokratik është revolucion demokratik.

Arian Çani: Pra ju thoni nuk ka Soros që e ndalon?

Sali Berisha: Jo absolutisht.

Arian Çani: Po këtë ligjin për financimin e partive politike, jeni gatshmë ta bëni ?

Sali Berisha: Që nesër. Po ai ta bëjë. Po ai të vijë të votojë Byronë e Hetimit. Ajo është sfida.

Arian Çani: Do të ketë bojkot zyrtar të opozitës në parlament?

Sali Berisha: Çdo ditë ka bërë mbledhje të grupit parlamentarë dhe përcakton taktikat e qëndrimit. Duhet ta them në një linjë të inponuar shumë të fortë. Të inponuar, sepse ne nuk kemi dashur. Para se të merrnim këto vendime, grupi parlamentarë diskutoi gjatë dhe çoi alternativën sesi të parandalohet mundësia e Prengës dhe rasteve analoge për tu futur në parlament. Çoi alternativën sesi të fillojë me seriozitetin më të madh procesi i dekusarizimit.

Arian Çani: Kur thoni dekusarizim, kujt i referoheni konkretisht?

Sali Berisha: Sigurisht janë shumë aty. Është Koço e plot të tjerë. A ishte ministër Erjon Velia, a nuk i fitoi tenderua vëllai për ti bërë dasmën me paratë e ministrisë.

Arian Çani: Këto gjëra bëhen në prokurori jo në parlament?

Sali Berisha: Jam dakord me ty. Ndaj duhet Byroja Kombëtare e Hetimit. E zgjidh me ca mekanizma shtesë. Protesksion absolut nga ndikimi i politikanëve. Me skema që i mbron ato. Mbrohet me ligj dhe procedura të tjera. Jepu mbrojtje të plotë nga politikanët dhe e shikon sesi e zbatojnë ligjin ato. Kryeministri në Rumani në detyrë është i shkarkuar dhe në ndjekje penale. Sepse BE investoi para disa vitesh i quajti prokurorë antikorrupsion dhe Byroja një gjë e tillë është. Kjo është për një nivel të caktuar zyrtarësh. Pa këtë nuk kemi të ardhme si shoqëri po nuk e vendosëm një institucion të tillë. Do të vendoset sepse e vendosin shqiptarët. Nëse ka një gjë që është beteje për jeta e vdekje në këtë vend është beteja për korrupsionin apo vendosja enjë institucioni, për luftën ndaj korrupsionit se ky vend do të rrënohet dhe jam i bindur se do të behet.

Arian Çani: Doktor faleminderit që ishit këtu sonte.

Sali Berisha: Dhe unë ju falënderoj shumë për ftesën. Ishte kënaqësi.