web counter
LEXO PA REKLAMA!

SHKARKO APP

App Store
Google Play

Basha: Rama krijoi 200 milionë euro pasuri nga lejet e ndërtimit për betonizimin e Tiranës

1 Mars 2016, 14:26, Politikë CNA

Kryetari i Partisë Demokratike, Lulzim Basha, ka akuzuar kryeministrin Edi Rama, se gjatë kohës që ka drejtuar Bashkinë e Tiranës ka përfituar 200 milionë euro nga betonizimi i kryeqytetit. Nëpërmjet një postimi në rrjetet sociale, Basha shkruan se të njëjtën gjë po bën edhe sot me Parkun e Liqenit.

Postimi i Bashës

11 vjet kryetar bashkie e la Tiranën pa plan urbanistik, krijoi geto të përjetshme betoni për të ndjekur ambicien e tij të çmendur, krijoi 200 milionë euro pasuri me lejet e ndërtimit. Si te Komuna e Parisit, me qindra pallate ngjitur me njëri-tjetrin, pa marrë parasysh kush do jetojë, çfarë ka nevojë qytetari, por thjesht duke planifikuar metrat e hyrjet për t?i bërë llogari bankare në vende ?Off- shore?.

Sa për të tjerat: gropën e Hajdin Sejdisë e la të qelbet 11 vjet, 11 metra nga zyra e tij, Zogun e Zi deshi ta betonizonte, sheshin ?Skënderbej? e ktheu në gërmadhë për 2 vite e gjysëm.

Sot si kryeministër, vazhdon njësoj. Po bëhet gati ta mbushë Parkun e Liqenit me beton, aty ku asnjë mendje nuk ka shkuar deri më sot. Kjo është e vërteta e një kryeministri që rras në burg hallexhiun që rregullon çatinë e avllinë, por vetë nuk pyet as për ligj, as për rregulla.

Ka mbetur të ngrejë dhe piramidën e tij, po këto plane do t?i bëhen hi shumë shpejt. Ka ikur koha e faraonit është dita e qytetarëve.

Sa për të tjerat fotot flasin vetë!





Lajmet e fundit nga