web counter
LEXO PA REKLAMA!

SHKARKO APP

App Store
Google Play

Blushi me emigrantët në Greqi: Vendi ynë është qeverisur keq

29 Shkurt 2016, 14:00, Politikë CNA

Deputeti i Partisë Socialiste Ben Blushi, ka zhvilluar sot një takim me emigrantët shqiptarë në Greqi. Takimi ishte organizuar në kuadër të promovimit të librit ?Kandidati?, por biseda u përqendruar edhe tek situata e Shqipërisë.

Gjatë fjalës së tij, duke shpjeguar librin, Ben Blushi iu drejtua emigrantëve se ata nuk janë larguar për arsye të mungesës së resurseve natyrore, por për shkak të keqqeverisjes.

?Ky libër sigurisht që nuk është fryti i fantazisë, është fryt i Shqipërisë që kemi sot. Ai u është drejtuar të pranishmëve me pyetjen; ju, pse jeni larguar nga Shqipëria? Se mungonte, uji, deti, dielli, pasuria natyrore, vendi? Jo, ju keni ikur se Shqipëria është qeverisur keq, është qeverisur keq nga kandidatë si këta që po shkruaj unë?, tha Blushi

Deputeti Ben Blushi shprehu para shqiptarëve lidhjen e librit të tij me situatën politike. Ai tha se Shqipëria është vendi i dytë në botë për energji elektrike dhe naftë, por jemi vendi i fundit për drita. Sipas tij, kjo ndodh kur votohen kandidatët e vdekur.

?Shqipëria është vendi që ka naftë më shumë se çdo vend tjetër në Europë, por nafta është më e shtrenjtë se në Greqi, duke lënë të nënkuptohet se Shqipëria ndodhet në një gjendje të vështirë dhe problematike, ku kjo gjendje dhe keqqeverisja po i largojnë shqiptarët nga Shqipëria, dhe kjo do të vazhdoj derisa ne të vazhdojmë të votojmë kandidatë të vdekur. Prandaj u detyrova të shkruaj librin Kandidati?, tha ndër të tjera Blushi.





Lajmet e fundit nga