E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Zbardhet padia ndaj gjykatëses Teuta Hoxha

24 Shkurt 2016, 10:23, Aktualitet CNA

Citynews ka mundur të zbardhë kallëzimin penal të bërë ndaj gjykatëses të Rrethit Gjyqësor Tiranë, Teuta Hoxha, nga aksionerët e Top Channel Albert Sino dhe Aurel Baçi.

Në kallëzimin e tyre ata theksojnë se çështja për të cilën ata kanë paditur gjykatësen ka të bëjë me faktin se pretendimet e tyre nuk janë dëgjuar në seancë nga ana e gjykatës, e cila ka bërë një shkelje flagrante të ligjit. Ajo ka shqyrtuar një çështje kaq të ndjeshme dhe problematike për vetëm disa minuta duke shkelur sipas kallëzuesve nenin 248 të Kodit Penal. ?Gjyqtarja Teuta Hoxha me veprimet e saj aktive dhe të kundra ligjshme?, thuhet në kallëzim, ?ka sjellë pasoja të rënda në dëm të kallëzuesve Albert Sino dhe Aurel Baçi?. Në kallëzim, kjo vepër quhet e kryer me dashje me qëllim fitimi material ose jo material të padrejtë, për vete apo për persona të tjerë.

?Znj Teuta Hoxha në cilësinë e gjyqtarës ka konsumuar veprën penale të shpërdorimit të detyrës, duke shkelur Kushtetutën dhe kodin e procedurës civile, që synojnë të garantojnë aksesin e palëve në respekt të parimit të barazisë së armëve. Me një urgjencë të pashembullt dhe të pashpallur publikisht të gjykimit, pa njoftuar palët, ka marrë haptazi anën e palës paditëse?

Kjo është një pjesë e kallëzimit që aksionerët Albert Sino dhe Aurel Baci kanë bërë ndaj gjykatëses Teuta Hoxha. Një material prej gati 8 faqesh, ata argumentojnë se gjyqtarja Teuta Hoxha duhet të ndiqet penalisht për krimet e shpërdorimit të detyrës dhe falsifikimit të dokumentave, parashikuar nga nenet 148 dhe 186/3 të Kodit Penal.

Ndërkohë, që palët vazhdojnë përballjen e tyre në gjykatë tashmë gjykatësja Teuta Hoxha do të përballet në prokurori me akuzat e ngritura nga aksionerët kryesorë të Top Channel, të cilët zotërojnë 60% të kuotave. Nuk është rasti i pari që zonja Teuta Hoxha do të përballet me prokurorinë apo me disa cështje që lidhen me gjykimin. Disa vite më parë asaj i është kërkuar ti hiqet imuniteti në KLD./citynews