E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

Ura e gjermanit!/ Nga Lutfi Dervishi

23 Shkurt 2016, 10:46, Opinione CNA

I gjendur mes pemëve dhe me këmbët në lëndinën me bar, bar nga ai i zakonshmi që hanë gomerët, gjerman mori frymë thellë, teshtiu dhe ndjeu një sëmbim në mushkrinë e majtë. Me lehtësinë e një mjeku profesionist që njërën dorë e vë në plagë dhe me tjetrën shkruan diagnozën tha:
? këtu ka shumë oksigjen! Këta pemë të mallkuara duhen rralluar. Duhet pak dioksid karboni të ballancohet o2.
Që nga ky moment pemët që i kapi stërkala e teshtimës së ekspertit, te ndjera në faj rrëzuan gjethet, varen degët në shenjë përulje, tkurrën rrënjët dhe vendosën njëzëri të mos prodhojnë oksigjen për mandatin e parë të kryebashkiakut! Madje pema që e ndjeu veten më në faj vendosi të bëj të kundërtën e asaj që kishte bërë gjithë jetën: për herë të parë në historinë e evolucionit natyror thithi oksigjen dhe nxorri dioksid karboni. CO2.

Në këtë moment Çarls Darvini nga aty ku ishte vendosi të rilindë dhe të rishkruajë teorinë e tij të evolucionit! Për fat disa shkencëtarë të Bashkisë së Tiranës, dëshmitarë të këtij transformimi që po ndodhte për herë të parë në këto 25 vjet, rrëmbyen disa sopata të pa mprehura dhe nisën të bëjnë synet pemët e sëmura!

Eksperti gjerman, nuk po u besonte syve, para pamjes që ju shfaq!
Ashtu si Arkimedi ulëriti: Eureka, eksperti thirri me zë të mekur: ujë!!!
Largimi i pemëve kishte hapur horizonte të reja. Tani, e gjeta zgjidhjen që 60 mijë shqiptarë të mos largohen më drejt vendit tim!
? këtu, tha, duhetë ndërtuar një urë që kalon mbi ujë!
Dhe sikundër e dini ju, uji është një element shumë emocional për njerëzit! Pronat që zhvillohen pranë ujit, kanë një vlerë disa fish, imagjino të ndërtosh diçka mbi ujë! Fantazia ekspertit gjerman mori flatra, picërroi sytë, gogësiti pak dioksid karboni dhe përsëriti:
? urë, urë, duhet një urë!

Pas kësaj thirrje që e përcollën me besnikëri televizionet shqiptare, shoqëria civile, ambientalistët, dhe opozita, harruan natyrën, harruan parkuan, harruan fëmijët, madje policët atë ditë kishin harruar edhe kapelet?dhe nisën debatin e ri:
-të ndërtohet apo të mos ndërtohet ura mbi liqen!

Ekspertët më të mirë, u përqëndruan tek aspekti ligjor dhe teknik i çështjes. Së pari kërkuan të shohin lejen e ndërtimit dhe së dyti të përcaktonin variantin më të mirë: ura duhet ndërtuar me këmbë apo e varur?!
Ishte nga rastet e rralla që të gjithë ranë dakord për emrin: ?ura e gjermanit?.