web counter
LEXO PA REKLAMA!

SHKARKO APP

App Store
Google Play

E fundit!

x

Fundjava/ Policia arreston 91 persona

22 Shkurt 2016, 11:08, Kronika CNA

Policia e Shtetit në të gjithë vendin vijon zbatimin e masave të përcaktuara në “Planin e masave”, për rritjen e parametrave të sigurisë gjatë fundjavës, mbajtjen nën kontroll të situatës kriminale, kapjen e personave të shpallur në kërkim dhe atyre që qarkullojnë me armë, goditjen e trafikut të lëndëve narkotike e trafìqeve të paligjshme, parandalimin e aksidenteve rrugore, etj.

Policia bën me dije se gjatë fundjavës në të gjithë vendin kanë funksionuar pika kontrolli dhe të lëvizshme ku është bërë e mundur kapja dhe arrestimi i 91 personave, janë sekuestruar armë zjarri, lëndë eksplozive dhe municione luftarake, si dhe lëndë narkotike e mallra kontrabandë.

Nga Policia Rrugore në të gjithë vendin duke përdorur Dragerat dhe Radarët janë arrestuar në flagrancë për drejtim mjeti në gjendje të dehur dhe pa leje drejtimi 32 drejtues mjetesh. Sipas policisë janë arrestuar 6 persona për armëmbajtje pa leje, 15 persona në flagrancë për vjedhje, 6 persona për narkotikët, krimin ekonomik e trafìqet e paligjshme.

Janë kapur 12 persona në kërkim, 7 persona për vjedhje të energjisë elektrike e ndërtim pa leje, 8 persona për krime ndaj personit, kundërshtim të punonjësit të policisë, përndjekje, 5 persona për dhunë në familje.

Janë pezullar 78 leje drejtimi për shpejtësi tej normave të lejuara në qendra të banuara, për alkool, për semafor e kontroll teknik. 64 raste janë ndëshkuar për komision, si dhe janë bllokuar 16 automjete për mungesë dokumentacioni. Po gjatë kontrolleve janë shoqëruar për verifìkim 63 persona. Edhe në ditët në vijim do vijojë puna e Policisë së Shtetit për rritjen e parametrave të sigurisë në vend.





Lajmet e fundit nga