web counter
LEXO PA REKLAMA!

SHKARKO APP

App Store
Google Play

E fundit!

x

"Mos u afroni se do t'iu vras"/ Kërcënoi policinë, arrestohet 27-vjeçari në Dibër

21 Shkurt 2016, 19:39, Kronika CNA

Në kuadër të planit të masave për “Kapjen e personave në kërkim” ,të atyre që qarkullojnë me armë pa leje”, goditjen e trafikut të lëndëve narkotike, kontrollin e automjeteve pa dokumentacionet përkatëse apo të drejtimit të automjetit nën ndikimin e alkoolit”, më datë 21.02.2016, nga Sektori për Krimet Rënda në Drejtorinë Vendore të Policisë Dibër në bashkëpunim me Komisariatin e Policisë Dibër u bë i mundur arrestimi në flagrancë i shtetasit  Erion Hoxha, 27 vjeç, banues në Tomin Dibër, (i proceduar dhe i dënuar disa herë për vjedhje).

Mbi bazën e informacioneve të marra në rrugë operative se shtetasi Erion Hoxha, lëvizte me armë në automjetin e tij në aksin rrugor Kala e Dodës-Peshkopi, menjëherë shërbimet e policisë janë vënë në ndjekje të tij.

Shtetasi i lartpërmendur porsa ka parë që e ndiqte policia ka dalë nga rruga kryesore, ka dalë nga mjeti me armë në dorë dhe ka kanosur punonjësit e policisë duke thënë: “Mos u afroni se do t’iu vras”.

Për rreth një ore negociatash më autorin është bërë e mundur arrestimi në flagrancë dhe sekuestrimi i armës.

Në cilësinë e provës materiale u sekuestruan:

–Një armë automatik model 56

–2 krëhëra me nga 30 fishek

–si dhe u bllokua automjeti tip Opel me targa AA 351 CN me të cilin lëvizte autori

Materialet proceduriale i kaluan Prokurorisë Rrethit Gjyqësor Dibër për veprat penale “Kanosje serioze për vrasje” , “Mbajtje pa leje e armëve luftarake dhe municionit”, “Drejtim automjeti në mënyrë të pa rregullt”, parashikuar nga nenet 84 , 278/4 , 291 të Kodit Penal.





Lajmet e fundit nga