web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama zgjedh Arben Ndokën, jo Sekretarin Kerry

16 Shkurt 2016, 12:13, Politikë CNA

Partia Demokratike ka akuzuar kryeministrin Edi Rama, se ka zgjedhur të vendoset në krah të personave me precedentë penalë, ndryshe nga ajo cfarë deklaroi përballë sekretarit amerikan të Shtetit. Nëpërmjet një deklarate për shtyp, Enkelid Alibeaj, tha se ministrja Mimi Kodheli i siguroi John Kerryt se do të mbështesnin dekriminalizimin, por sipas tij, dicka e tillë nuk po bëhet, pasi Kodheli është shfaqur në krah të ish-deputetit  Arben Ndoka.

Deklarata për shtyp

Mimi Kodheli pati rastin të takohej me Sekretarin amerikan të Shtetit, Kerry, i cili theksoi si sukses ligjin e dekriminalizimit.

Dy ditë më pas, ministrja e Edi Ramës shfaqet me Arben Ndokën, që është objekt i dekriminalizimit, një nga arsyet pse kjo nisëm e opozitës me mbështetjen e partnerëve ndërkombëtarë, u bë ligj.

Ja ku është fotoja e ministres së mbrojtjes me ish-deputetin, që dekriminalizimi e largoi nga parlamenti, por jo nga Edi Rama i cili i ka besuar qeverisjen e Lezhës të dënuarit për prostitucion dhe rrëmbim personi.

Jo vetëm kaq, por PS-ja e Lezhës tha dje se Ndoka është krenaria e saj.

Dy ditë pas vizitës së Kerrit, Edi Rama vazhdon të sfidojë mesazhin e tij, kërkesën e Shteteve të Bashkuara të amerikës, të miqve ndërkombëtarë dhe kërkesën e qytetarëve të vendit për pastrimin e politikës nga krimi.

Dy ditë më parë, Ndoka prezantoi prefektin e Lezhës. Dje ai u shfaq me Ministren e Mbrojtjes.

Pra është e qartë. Edi Rama ka zgjedhur Arben Ndokën, dhe jo sekretarin Kerri.

Ka zgjedhur krimin, dhe jo partnerët ndërkombëtarë.

Ka zgjedhur trafikantët, banditët, dhe jo qytetarët.





Lajmet e fundit nga