E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dom Gjergji: Kuranin e kam lexuar pjesë-pjesë, por me myslimanët mund të dialogoj pa asnjë problem

16 Shkurt 2016, 20:39, Aktualitet CNA

Sonte në Zululandin e Mustafa Nanos ishte i ftuar Gjergj Meta, famullitar në dioqezën e Durrësit, njëherësh edhe publicist e personazh i njohur mediatik.

Në fund të programit, dom Gjergji u shpreh se ishte përgatitur për të bërë një bisedë tjetër, të ndryshme nga ajo që u bë.

Në fakt, bisedën e nisi Nano me një referim biblik, që ka të bëjë me frazën e famshme të Jezu Krishtit ?Jepini Çezarit atë që është e Çezarit dhe jepini Zotit atë që është e Zotit?.

Këtë frazë Nano e konsideroi si shpëtimtare për Krishtërimin në kohët e mëvonshme. Dom Gjergji i bëri dhe një lexim të dytë kësaj fraze, dhe pas kësaj biseda u fokusua tek mënyra e interpretimit të Biblës në veçanti e të Librave të Shenjtë në përgjithësi.

Nano mbroi tezën se Librave të Shenjtë mund t?u bëhet një lexim racional, ndërsa dom Gjergji nguli këmbë tek ideja se leximi racional nuk mjafton, pasi duhet dhe leximi shpirtëror.

?Është shumë i rëndësishëm edhe leximi në gjuhët e vjetra, në të cilat janë shkruar këto libra?- deklaroi dom Gjergji. Në këtë mes, prifti i ftuar në studio tha se një besimtar nuk është e thënë që ta njohë me themel fenë e vet dhe se fondamentalizmi fetar nuk e ka burimin tek dija mbi fenë, por tek padija.

Në pjesën e dytë bisedia u zhvendos tek marrëdhëniet mes feve në Shqipëri dhe tek një dialog i mundshëm mes tyre. ?Dialogu mes feve është i mundur për gjëra që u interesojnë të dy komuniteteve.?

Nano deklaroi se në planin teologjik ky diskutim është i pamundur, pasi të krishterët mendojnë se Kurani është imitim i Biblës, ndërsa myslimanët hedhin poshtë thelbin e Krishtërimit, dmth që Jezusi është biri i Zotit dhe ekzistencën e Trinisë (Ati-Biri-Shpirti i Shenjtë). Gjergj Meta u shpreh se ?nuk e ka lexar Kuranin të tërin; ka lexuar veç disa pjesë të tij?.