web counter
LEXO PA REKLAMA!

SHKARKO APP

App Store
Google Play

A ishte i paralajmëruar shkarkimi i ministrit Shkëlqim Cani ?

16 Shkurt 2016, 12:02, Aktualitet CNA

A ishte i paralajmëruar shkarkimi i ministrit Shkëlqim Cani ?

Qeveria është përfshirë nga ndryshime ministrash edhe pse kryeministri Edi Rama e kishte kundërshtuar disa herë këtë gjë. Sot, ministri i Financave, Shkëlqim Cani, u shkarkua dhe vendin e tij e zuri Arben Ahmetaj, i cili mbante postin e ministrit të Ekonomisë. Ndërkohë, këtë të fundit e ka zënë Milva Ekonomi.

Pavarësisht deklaratave të kryeministrit Rama se nuk do të ketë ndryshime në qeveri, shkarkimi i ministrit të Financave ishte deri diku i pritshëm. Prej vitesh, kjo ministri ka shfaqur probleme në realizimin e të ardhurave, në luftën kundër varfërisë, papunësisë etj.

Mandati i deputetit

Kryeministri Edi Rama, kishte paralajmëruar përpara ardhjes në pushtet se asnjë nga ministrat e tij nuk do të mbante mandatin e deputetit. Pra, deputetët e propozuar për të drejtuar një ministri duhej të mendoheshin përpara se të pranonin këtë post, për shkak se do të hiqnin dorë nga mandati i deputetit. Dhe kështu ndodhi, të gjithë ministrat, një e nga një, hoqën dorë nga mandati i deputetit, përvec njërit, Shkëlqim Canit. Ministri i Financave, nuk e la mandatit e deputetit.

Nuk dihet nëse Edi Rama e kishte menduar që në fillim largimin e tij nga ministria e Financave, por fakti që Shkëlqim Cani ishte i vetmi nga ministrat që nuk e la mandatin e deputetit tregon se dicka do të lëvizte. Ndoshta, shkarkimi i Shkëlqim Canit, ka qenë i parapërgatitur dhe për ta mos larguar atë nga salla e Kuvendit, kryeministri Edi Rama, i ka dhënë mundësinë për të mos hequr dorë nga mandati i deputeti. Në këtë mënyrë, Shkëlqim Cani, mund të jetë pjesë e parlamentit./citynews





22:35 Aktualitet

Përleshje në PS

Ish-Kryeministri Sali Berisha ka publikuar denoncimin e një ...

Lajmet e fundit nga