E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Kush ishte ministri i Kokëdhimës në qeverinë Berisha ?

16 Shkurt 2016, 10:14, Aktualitet CNA

Partia Demokratike kërkon prej kohësh që Gjykata Kushtetuese të zbardhë vendimin lidhur me fatin e mandatit të Koço Kokëdhimës.

Insistimi i PD-së për zbardhjen e vendimit për Kokëdhimën ka ardhur duke u zbehur dhe kërkesa për këtë është bërë gjithmonë e më e rrallë, megjithëse demokratët kanë qenë të bindur se Kokëdhima e ka humbur mandatin. Kreu i Partisë Demokratike, Lulzim Basha, është shprehur se mandati i Kokëdhimës tashmë është i hequr, por një anëtar i Gjykatës Kushtetuese, ka votuar kundër. Pra, vendimi nuk mund të zbardhet pa mësuar më parë se kush është anëtari i kushtetueses që ka votuar kundër.

Kush ishte ministri i Koços në qeverinë Berisha ?

Fakte dhe dokumente tregojnë se deputeti 3K (Komisar Koço Kokëdhima), nuk ka nguruar të deklarojë se kur ka qenë pronar i një kompanie interneti ka përfituar tendera nga qeveria edhe në kohën kur ajo drejtohej nga Sali Berisha. A mund të pasurohej Kokëdhima nga kundërshtarët politikë duke përfituar tendera, në një kohë kur për të fituar një të tillë duhet të mundje disa qindra kompani, të cilat shkëlqenin dhe ishin më të avantazhuara se kompania e Kokëdhimës?

Të gjitha dokumentet na çojnë se një prej ministrave, përgjegjës për inovacionin, ka qenë shërbëtor i Koços.

Kjo nuk është një teori kospirative, pasi për këtë lidhje ka fakte dhe dokumente. Në një shkrim të Birn, thuhej se një politikan nga Shqipëria ka humbur qindra mijëra euro nga bankat në Qipro.

Emri i politikanit nuk u bë kurrë publik, megjithëse në media përflitej ai i Genc Pollos. Lajmi nuk u vërtetua kurrë dhe mbeti në kuadër të një thashethemi. Shuma e humbur nga bankat e Qipros ishte rreth 900 mijë euro.

Një nga personat që e artikuloi këtë shumë ishte deputeti socialist Taulant Balla, i cili më pas, heshti në mënyrë të çuditshme. Në korridoret politike dhe mediatike flitej se ishte pikërisht Koço Kokëdhima ai që i kishte kërkuar partisë së tij, të mos publikohej emri i personit që humbi shumën e majme.

Llogaritë nuk u publikuan kurrë, e as emri i politikanit nuk u dha, cka do e bënte një politikan të kapur ?gjallë?.

A po i shërbente Koço Kokëdhimës ministri i Berishës?

Kjo mund të vërtetohet vetëm pas një hetimi, që ka pak gjasa të ndodhë, sidomos me Genc Pollon, ministri i Berishës, i vlerësuar nga Kokëdhima jo vetëm publikisht në fjalimet në lidhje me një kompani që kishte fituar tendera në kohën e qeverisë ?Berisha?.

Janë disa raste që qeveria mbron publikisht Genc Pollon nga afera dhe skandale, sic ishte rasti i digjitalizimit të TVSH-së, që në fakt ministrja Milena Harito nuk e paditi kurrë edhe pse cilësohet si skandali më i madh i qeverisë ?Berisha?.

Kush e pengoi Milena Hariton të padiste këtë skandal? Mos vallë Kokëdhima i kërkoi Edi Ramës të mos publikohen llogaritë e politikanit dhe ish-ministrit ? Deklaratat e Kokëdhimës, qëndrimet e ministres Milena Harito, mos publikimi i llogarive, tregojnë një lidhje të fortë politike të PS-së dhe qeverisjes aktuale, me politikanin e përmendur për afera.

Argumentet e sipërpërmendura të cojnë tek politikani Genc Poll, i cili mund të quhet ministri i Kokëdhimës në qeverinë ?Berisha?. Që lidhja mes Kokëdhimës dhe Pollos dhe favorizimi për tendera i superdeputetit të jugut të vërtetohet, do të duhet një hetim shumë i gjerë për të gjitha rastet e marra së bashku. Por, vështirë të ndodh dhe zor se do të mësohet e vërteta. Gjithçka do të mbetet ashtu siç është, në kuadrin e argumentave të tryezave politike dhe të thashethemeve të qarqeve mediatike./citynews