web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet 2017/ Kush i përgjigjet thirrjes të PD-së për koalicion ?

10 Shkurt 2016, 08:24, Aktualitet CNA

Sekretari i Përgjithshëm i Partisë Demokratike, Arben Ristani, deklaroi dy ditë më parë se PD është e hapur për koalicion me partitë e vogla, parlamentare dhe jo parlamentare, përfshirë këtu edhe FRD e Bamir Topit. Ky i fundit është shprehur disa herë se nuk e shikon partinë e tij si pjesë e koalicionit me opozitën duke u përpjekur për të shkuar në zgjedhje në koalicion me qeverinë. Megjithatë, sekretari i Përgjithshëm i FRD, Gazmend Oketa, është shprehur  se “nuk ka ardhur asnjë ofertë zyrtare nga Partia Demokratike”. Ai thotë se ?thirrjet e PD-së janë si intervista televizive, ku një person del e deklaron se po të duan koalicion të vinë këtu?.

Partia më e madhe opozitare kërkon të përfitojë nga neglizhimi i Edi Ramës me partitë e vogla, edhe me ato që ka pasur në koalicion. Partia e Vangjel Dules tashmë është shkëputur nga koalicioni me PS-në dhe duket se ka gjetur mbështetje tek PD-ja e Lulzim Bashës. Dule është fokusuar nga kamerat e mediave në selinë qendrorë të PD-së. Pas arrestimit të Spiro Kserës opozita ka nevojë për një parti që mbledh votat e minoritetit grek dhe PBDNJ e Vangjel Dules duket se është lojtari i vetëm i lirë që mund ta kryejë atë rol.

Nga ana tjetër, kreu i opozitës, Lulzim Basha, është takuar edhe me kryetarin e Aleancës Kuqezi, Kreshnik Spahiu. Takimi i tyre është zhvilluar disa javë më parë në një prej restoranteve të kryeqytetit dhe mendohet se është diskutuar për mundësitë e një koalicioni parazgjedhor për zgjedhjet vendore të vitit 2017.

 





Lajmet e fundit nga