E fundit!

14:51 Aktualitet

Pas më shumë se 5 orësh, Igli Tare del nga SPAK

Ish-futbollisti i Kombëtares shqiptare të futbollit, Igli ...

Pse Rama ka frikë nga zgjedhjet në PS?

1 Shkurt 2016, 15:21, Aktualitet CNA

Partia Socialiste është përfshirë nga një ngërç i brendshëm, i cili është i shtrirë ndër vite. Shtyrja e kongresit dhe mungesa e zgjedhjeve në parti kanë bërë që jo pak socialistë ta shohin me skepticizëm mënyrën e drejtimit të partisë nga Edi Rama.

Një prej zërave më kritik brenda PS-së është deputeti Ben Blushi. Së fundmi, ai ka shpallur kandidaturën e tij përballë kreut aktual, Edi Ramës, për kreun e partisë. Por, brenda PS-së po luhet një lojë për të mos zhvilluar zgjedhje, me pretendimin se Rama ka fituar zgjedhjet vendore të viti 2013 (i ka fituar koalicioni PS-LSI) dhe se është rizgjedhur automatikisht. Referuar statutit të Partisë Socialiste, në nenin 30 thuhet shprehimisht: ?Mandati i kryetarit të Partisë është 4 vjet?. Kjo është pika e parë që PS po shkel rregulloren e saj, e cila është miratuar dhe shkelur nga vetë Edi Rama.

Në PS ka që nga viti 2009 që nuk zhvillohen zgjedhje. Referuar po këtij neni, thuhet se: ?Mandati i kryetarit përfundon kur humbet zgjedhjet?. Në vitin 2009 Edi Rama i humbi zgjedhjet, por nuk u largua nga drejtimi i partisë. Një tjetër nen i statutit të PS-së që po shkelet është neni 26, i cili thotë se: ?Kryetari i PS-së zgjidhet sipas parimit një anëtar, një votë?. Edhe këtu, Edi Rama po shkel rregulloren e PS, pasi ashtu sic është lajmëruar ai do të zgjidhet nga asambleja dhe jo nga anëtarët e kësaj force politike.

Këto shkelje të statutit të PS-së nuk tregojnë gjë tjetër veçëse frikën e Edi Ramës për një përballje me Ben Blushit. Por, pse ka frikë Rama nga Blushi, në një kohë kur ai pretendon se ka mbështetjen e gjerë të socialistëve dhe një milion vota?

Së pari, pretendimi i Ramës për një mbështetje të gjerë nga anëtarët e PS, nuk rezulton të jetë edhe aq i gjerë. Këtë fakt, Rama e di mirë, pasi pakënaqësia tek socialistët e thjeshtë është rritur cdo ditë e më shumë që nga marrja e qeverisë. Braktisja e anëtarëve, lënia e tyre papunë, kapja e shtetit nga grupi i ?Rilindjes?, mospërfaqësimi i tyre dhe shumë probleme të tjera kanë bërë që një pjesë e mirë e anëtarëve socialist të mos kenë më besim tek Edi Rama si kryetar i partisë. Me kandidimin e Blushit, të gjithë të pakënaqurit mund të shihnin tek ai njeriun që do ti përfaqësonte.

Së dyti, Rama ka frikë se nga ?Rilindja? mund të ketë rrjedhje. Prej kohësh ka zëra të pakënaqur brenda PS-së nga mënyra se si po qeveriset vendi, edhe pse për momentin shumica kanë zgjedhur të heshtin. Disa prej tyre kanë ambicie të marrin një post të lartë në qeveri dhe Rama nuk po i jep hapësira askujt. Nëse do të kryhen zgjedhjet për kryetar dhe nga ?Rilindja? do të kishte rrjedhje votash në favor të Blushit, për Ramën do të ishte një katastrofë politike.

Pas kërkesës së vazhdueshme të Blushit për respektimin e statutit dhe zhvillimin e zgjedhjeve në parti, duket se e kanë trembur kryetarin me mandat të mbaruar të PS-së. Në ditët e fundit ai nuk ka dhënë deklarata për këtë cështje, por ka nxjerrë ministra për të shpjeguar se zgjedhje nuk do të ketë.

Një kryetar partie publikisht shkel statutin e partisë. Nuk ka kurajo të bëjë as veprimin e Fatos Nanos dhe Pandeli Majkos në vitin 1999. I trembur dhe pa guximin për të zhvilluar zgjedhje brenda një partie tashmë të kapur nga koka tek këmbët nga ?Rilindja?, ndërsa socialistët janë lënë në harresë. Por në zgjedhje votojnë socialistët dhe jo ?rilindasit? që kanë rrëmbyer pushtetin e PS-së. Këtu qëndron dhe frika reale e Edi Ramës./citynews