web counter
LEXO PA REKLAMA!

SHKARKO APP

App Store
Google Play

Privatizoi 8 mijë metra tokë në Theth/ Arrestohet kreu i Hipotekës në Shkodër

1 Shkurt 2016, 13:54, Aktualitet CNA

Me urdhër të Prokurorisë Shkodër, ditën e Hënë (dt.01.02.2016) është ndaluar nga forcat e Policisë së Shtetit edhe kreu i Hipotekës së Shkodrës, Shkëlzen Berisha.

Ndaj tij, prokuroria ka krijuar dyshimet se ka ?shpërdoruar detyrën?, si edhe ka bërë ?kallëzim të rremë?, pasi e ka njoftuar faktin e paligjshmërisë sapo ka krijuar dyshimet e tij se mund të mbante përgjegjësi penale për regjistrimin e paligjshëm të pronës në Theth.

Ngjarja

Nga hetimet e prokurorisë dyshohet se regjistruesi, si edhe dy zyrtarë të Hipotekës Shkodër kanë regjistruar një pasuri në pronësi të shtetit, me sipërfaqe 8000 m2 në Theth, në emër të një personi që nuk ka aplikuar për regjistrimin e asaj prone.

Nga hetimet e  prokurorisë bazuar në një kallëzim të vetë regjistruesit, i cili ka deklaruar se ka konstatuar një shkelje ligjore nga ana e topografit Spartak Haxhija dhe juristi Taulant Bejko në regjistrimin e kësaj prone.

Nga hetimet rezultoi se për regjistrimin e kësaj prone në mënyrë të kundërligjshme ka qenë në dijeni edhe vetë regjistruesi i Shkodrës. Në praktikën e sekuestruar në Hipotekën e qytetit, rezulton se prona 8000 m2 i është njohur shtetasit GJ.L nga zona e Thethit. Ndërkohë, në hetim rezultoi se shtetasi GJ.L. nuk ka bërë asnjë aplikim për njohjen e asaj prone në emër të tij. Po ashtu, rezultoi që praktika duket si e aplikuar nga një tjetër shtetas me të njëjtat gjeneralitete, GJ.L., por që jeton në një fshat tjetër.

 





Lajmet e fundit nga