Kuvendi sqaron/ Firma e pjesëve të këmbimit u tërhoq nga kateringu

31 Janar 2016, 17:07, Aktualitet CNA

Paraditen e sotme citynews publikoi një artikull bazuar në dokumente dhe fakte, ku thuhej se institucioni i Kuvendi i Shqipërisë kishte shpallur si fituese një firmë për pjesë këmbimi për makina për organizimin e drekës me rastin e daljes në pension të Shefqet Zanit. Dreka do të mbahej më datë 2 Tetor 2015 dhe kompania fituese duhet të shërbente produkte ushqimore.

Linku i lajmit: http://www.citynews.al/2016/01/faktet-ilir-meta-katering-servisit-te-makinave/

Kuvendi i Shqipërisë ka reaguar ndaj lajmit të citynews, duke bërë një sqarim për sa i përket fituesit. Nëpërmjet një njoftimi, Kuvendi sqaron se personi fizik Tefik Kurti (kompania e pjesëve të këmbimit), është tërhequr nga gara. Në sqarim nuk mohohet që ai e ka fituar procedurën, por thekson se personi fizik është tërhequr pasi u njoftua se ishte shpallur fitues. Tërheqja e tij është bërë për arsye të mospërllogaritjes së saktë të shumës. Kuvendi nënvizon se pas tërheqjes së Tefik Kurtit, një tjetër kompani ka shafqur interes për të zhvilluar kateringun, e cila ka fituar procedurat sipas legjislacionit./citynews

Sqarimi i Kuvendit

Shërbimet administrative të Kuvendit të Shqipërisë u njohën gjatë ditës sot me lajmin e publikuar në disa media online lidhur me procedurat e zhvilluara për shërbimin me objekt ?Drekë bufe e shtruar nga Kuvendi i Shqipërisë, në Kryesinë e Kuvendit, më datë 2.10.2015 ora 14:00, me rastin e daljes në pension të z. Shefqet Zani?.

Për sa më sipër, me përgjegjshmëri të plotë, në funksion të transparencës dhe të mirinformimit të opinionit publik, Shërbimet administrative të Kuvendit dëshirojnë të sqarojnë se, lajmi i publikuar në disa prej mediave online është i pavërtetë dhe se për procedurën në fjalë ato kanë zbatuar përpikmërisht legjislacionin në fuqi për prokurimet publike.

Më konkretisht, në datë 30 shtator 2015 është shpallur procedura nga Zyra e Prokurimeve Publike në Kuvendin e Shqipërisë.

Në datë 1 tetor 2015, ora 14:00, është bërë hapja e procedurës për të parë operatorët ekonomik pjesëmarrës në garë. Saktësojmë se, përgjatë 24 orëve të kohëzgjatjes së kësaj procedure prokurimi, i vetmi operator ekonomik, që kishte shfaqur interes ishte personi fizik, z. Tufik Kurti.

Ky fakti i është komunikuar z. Tufik Kurti menjëherë përmes mesazheve, që ofron Sistemi i Prokurimit Elektronik (SPE).

Brenda një afati 30-minutësh, z. Tufik Kurti është tërhequr nga gara duke i argumentuar Kuvendit të Shqipërisë përmes përgjigjes së tij në SPE, se tërheqja nga gara ka ndodhur për shkak të mospërllogaritjes së saktë të shumës.

Komisioni i Prokurimeve Publike për blerjet me vlerë të vogël pranë Kuvendit të Shqipërisë anuloi menjëherë këtë procedurë prokurimi.

Gjithsesi, dëshirojmë të theksojmë se, për çdo rast Komisioni i Blerjeve të Vogla në Kuvendin e Shqipërisë, vepron duke verifikuar të gjithë dokumentacionin ligjor të përcjellë nga operatorët ekonomikë për përputhshmërinë ligjore të objektit të veprimtarisë të operatorit ekonomik me objektin e shërbimit të kërkuar nga Kuvendi i Shqipërisë.

Ndërkaq, pas anulimit, më datë 2 tetor 2015, ditën e premte është rishpallur hapja e procedurës së prokurimit ?Drekë bufe e shtruar nga Kuvendi i Shqipërisë, në Kryesinë e Kuvendit, më datë 07.10.2015, ora 14:00, me rastin e daljes në pension të z. Shefqet Zani?.

Në datë 05.10.2015 ora 08:15 (meqenëse datat 3-4 janë ditë pushimi javor) është kryer hapja e procedurës.

Operatori i vetëm që ka shfaqur interes ka qenë ?Era 2000 shpk?. Ajo është shpallur fituese e procedurës dhe në vijim ka realizuar me sukses shërbimin.

E gjithë kjo procedurë tenderimi është lehtësisht e verifikueshme në faqen online të Agjencisë së Prokurimeve Publike (datë 05.10.2015).