E fundit!

10:33 Aktualitet

SPAK hap thirrjen për 40 hetues të rinj në BKH/ Braho: Hetimet moderne kërkojnë kapacitete të reja

Kreu i SPAK, Klodjan Braho, deklaroi se Prokuroria e Posaç...

Ti nuk je hajdut

28 Janar 2016, 09:43, Aktualitet CNA

Ti nuk je hajdut sepse nuk bën asgjë tjetër, thjesht i kërkon ndonjë lek ndonjë shkelësi të rregullores kur e kap në emër të ligjit. Ti nuk je hajdut, ti je një nga policat që i shërben vendit.

Ti nuk je hajdut, ti ke shitur viza, ti ke bërë kontrabandë, ti ke blerë hotel, ti sje i korruptuar, ti vetëm korrupton. Ti nuk je hajdut, ti je biznesmen.

Ti nuk je hajdut, ti e do shumë partinë, je dikush që kërkon një vend pune, ti je ai që kërkon shpërblimin. Ti je ai që mbledh votat, ti je ai që ke ngrënë drru. Ti nuk je hajdut, ti je militant.

Ti nuk je hajdut, ti servilosesh gjithë kohës, ti hesht për të vërtetën, ti gënjen kur të urdhërojnë, ti nuk u flet shokëve për ideal të partisë. Ti nuk je hajdut, ti shpreson të bëhesh deputet.

Ti nuk je hajdut, ti thjesht merr rrogën, ti ke imunitet, ty të paguan populli telefonin dhe makinën. Ti paguhesh aq shumë dhe mund të futësh njerëz në punë. Ti je ?sulltani? i lagjes. Ti blen vota dhe fiton zgjedhje. Ti heq nga puna atë që kundërshton. Ti nuk je hajdut, ti je një deputet i kriminalizuar.

Ti nuk je hajdut, ti merr çfarë të japin. Fajin se ke ti, fajin e ka ligji. Fajin se ke ti, fajin e ka fajtori. Fajin se ke ti, fajin e ka një tjetër, një i pa faj. Ti vendos për drejtësinë. Ti nuk je hajdut, ti je gjykatës.
Ti nuk je hajdut, ti gjithë ditën rri tek trau. Ti peshon, numëron, llogarit, kontrollon, ndonjëherë edhe kërkon. Ti nuk je hajdut, ti je doganier.

Ti nuk je hajdut, ti shfaqesh te dera e bizneseve për të kërkuar taksat. Ti vendos gjoba sipas qejfit tënd. Ti nuk je hajdut, ti je tatimor.

Ti nuk je hajdut, ti je dikush që hartën e ndryshon, kartelat i lexon, dokumentat i falsifikon. Në rrëmujë e sipër ti shpesh nuk gjen atë që do. Pronat lëmsh i bën dhe me urdhër të shefit firmos të paguhen apo jo. Ti nuk je hajdut, ti je regjistrues.

Ti nuk je hajdut, ti kontrollon orarin dhe kush hyri kush doli. Ti emërimet nuk i bën vet, ndonjë tender lartë e poshtë po munde edhe menaxhon. Ti nuk je hajdut, ti je drejtor./citynews