web counter
LEXO PA REKLAMA!

SHKARKO APP

App Store
Google Play

Rama i jep Idrizit 3 Drejtori/ Barnat, karburantet dhe ushqimin

27 Janar 2016, 20:39, Aktualitet CNA

Partia për Drejtësi, Integrim dhe Unitet e drejtuar nga Shpëtim Idrizi, ka ndarë marrëveshjen me koalicionin qeverisës për drejtimin e tre drejtorive të Përgjithshme që konsiderohen si ?vende pllumbash?.

Janë të treja inspektoriate, drejtori që kontrollojnë dhe zotërojnë instrumentin e gjobitjes.

Më konkretisht janë, AKU,  Agjencia Kombëtare e Ushqimit, në Ministrinë e Bujqësisë, e cila kontrollon cilësinë e ushqimit dhe vendeve të tregëtimit të tij.

IQT, Inspektoriati i kontrollit të cilësisë së karburanteve.

QKKB, Qëndra Kombëtare e Regjistrimit të Barnave, një agjenci kyçe që luan rol të dorës së parë në tregun farmaceutik. Ndërkohë Idrizi ka të emëruarit e vetë dhe në ISKSH dhe tek Fondi i Barnave.

Të treja këto emërime pritet të zbardhen sot pasdite si vendime të Këshillit të Ministrave.

Brenda marrëveshjes me Ramën, Idrizi ka parashikuar dhe kalimin në një kohë të dytë të dy drejtorive të Albpetrolit.

Pra kontrolle mbi inspektoriate të ushqimit, naftës dhe barnave, duket se janë objektivat bazikë të partisë që në devizë së saj ka mbrojtjen e çështjes çame.

Idrizi do i marrë këto drejtori vetëm 24 orë pas takimit mes kreut të PD-së Lulzim Basha dhe kreut të PBDNJ-së Vangjel Dule. Ky i fundit e bëri lëvizjen pasi ju shua çdo shpresë se Rama do të mund të ndikohej prej tij në lidhje me kufizimin e faktorit çam në pushtetin ekzekutiv dhe në drejtoritë ?delikate?. / HashtagAL





Lajmet e fundit nga