web counter
LEXO PA REKLAMA!

SHKARKO APP

App Store
Google Play

E fundit!

x

Saimir Tahiri kundër Blushit: Rama u zgjodh nga populli, nuk ka zgjedhje për kryetar

28 Janar 2016, 07:52, Aktualitet CNA

Ministri i Brendshëm, Saimir Tahiri është shprehur kundër platformës së Ben Blushit në Kongresin e Partisë Socialiste. Duke mbështetur idenë e kryeministrit Rama, ministri i Brendshëm ka nënvizuar se është e pakuptimtë që të zhvillohen zgjedhje për kryetar në parti, në një kohë kur kreu i saj është zgjedhur nga populli. Në një intervistë për Top Channel, Tahiri tha se një kryeministër nuk ka nevojë të votëbesohet nga partia.

?Më duket një debat që nuk shton shumë në sfidat që ka sot Shqipëria dhe mbi të gjitha tek sfidat që ka qeverisja dhe maxhoranca. Sigurisht që ka mjaft përvoja, edhe ne në opozitë e zgjodhëm kryetarin me rregullin një anëtar një votë, që është shumë demokratike, por edhe unë besoj që kur je në qeverisje debati nuk është si zgjidhet kryetari i partisë. Debati është si votëbesohesh nga qytetarët. Unë nuk shoh ndonjë arsye përsa kohë kryetari i PS është kryeministër dhe votëbesohet nga qytetarët të mos ketë rregulla të diferencuara për konfirmimin e tij brenda partisë. Një mënyrë tjetër mund të jetë ajo me një procedurë tjetër votimi. Ky debat do të ishte i tillë nëse kryeministri do të humbiste zgjedhjet. Aty ka nevojë për debat. Unë hyj tek ata që besoj se nëse kryeministri humbet votëbesimin e qytetarëve, nuk ka asnjë mënyrë që të jetë më në krye të partisë. Deri në atë moment, debati është i tejkaluar besoj?, ka nënvizuar Tahiri.





Lajmet e fundit nga