web counter
LEXO PA REKLAMA!

SHKARKO APP

App Store
Google Play

Pasuria qindra mijëra euro e Shkëlqim Canit

28 Janar 2016, 08:36, Aktualitet CNA

Pasuria qindra mijëra euro e Shkëlqim Canit

Ndërkohë që prej dy vjetësh nuk ka mundur të mbledhë njëherë të vetme të ardhura të plota në buxhet, kur ekonomia shqiptare po lëngon, qytetarët janë përditë e më shumë me xhepa bosh, “shkëlqimi” i financave vazhdon të venitet, por jo Shkëlqim Cani, i cili ka deklaruar një pasuri mbi gjysëm milioni dollarë. Ato janë llogari kursimi, apartamente, makinë, por edhe kredi, Çimi nuk mund të rrinte pa kredi.

Nga një vëzhgim që citynews i ka bërë deklarimit të pasurisë të ministrit të Financave, rezulton ai ka 3 apartamente me një vlerë të përbashkët prej rreth 330 mijë euro. Dy prej tyre, respektivisht 150 mijë euro dhe 132 mijë euro, rezultonë të jenë apartamente luksoze. Gjithashtu, Cani disponon edhe një tokë are me sipërfaqe 600 m/2m, me një vlerë prej 1 000 000 lekë.

Për sa i përket llogarive bankare, rezulton se ministri i Financave ka disa të tilla. Së bashku me llogaritë e bashkëshortes, ata  kapin një vlerë totale rreth 135 mijë euro të shpërndara në 8 llogari bankare . Cani disponon edhe një automjet Mercedes Benz Avangarde 220 me një vlerë prej 10 mijë euro. Nga vëzhgimi i deklarimit të pasurisë, vërehet se Shkëlqim Cani ka dy kredi të pashlyera, të cilit kapin një vlerë rreth 56 mijë euro./citynews





Lajmet e fundit nga