web counter
LEXO PA REKLAMA!

SHKARKO APP

App Store
Google Play

E fundit!

x

Fatmir Toçi sulmon Kokëdhimën: Është më keq se Ali Pashë Tepelena. Po i falin Jugun!

25 Janar 2016, 16:26, Aktualitet CNA

Deputeti socialist Koço Kokëdhima është sulmuar nga kolegu i tij, deputeti Fatmir Toçi, ku ky i fundit e ka krahasuar me Ali Pashë Tepelenën, ndërsa e ka akuzuar se po ‘merr’ Jugun. Mësohet se debati ka ndodhur në mbledhjen e sotme të grupit parlamentar të Partisë Socialiste. Sipas Gazetës Dita, Fatmir Toçi ka shpërthyer në kritika ndaj deputeti Koço Kokëdhima, duke theksuar se ai është shndërruar në ?beun e jugut?.

?Ai është kthyer në beun e jugut duke mos përfillur kolegët, madje nuk i fton në takime të zonës. Është bërë më keq se Ali Pashë Tepelena. Por ndërsa Aliu e pushtoi jugun, Koços po ja falin. Nuk e di se kush, por po ja falin?, ka deklaruar Toçi, duke e fajësuar Kokëdhimën për vonesat në zgjedhjet në Partinë Socialiste për qarkun e Gjirokastrës dhe të Vlorës.

Por, kreu i grupit Ruçi tha se nuk ishte etike që të flitej për deputetë që nuk janë të pranishëm.

?Nuk është etike të flasim për çështje kur kolegu deputet nuk është mes nesh. Ju në territorin që mbuloni jeni inekzistent në zbatim të vendimit të Asamblesë Kombëtare. Ju të gjithë deputetët e qarkut Vlorë, Gjirokastër jeni jashtë linjës. Keni shmangur me apo pa dashje vendimet e Asamblesë.

Përgjegjësia për mbajtjen peng të zgjedhjeve në Vlorë dhe Gjirokastër është e juaja, e të gjithë deputetëve të zonës?, ka thënë Ruçi. Në mbledhje nuk ishte i pranishëm as kryeministri Edi Rama.





Lajmet e fundit nga