web counter
LEXO PA REKLAMA!

SHKARKO APP

App Store
Google Play

Leonard Olli: Veliaj mashtroi dhe falsifikoi. Të japë dorëheqjen!

25 Janar 2016, 16:15, Aktualitet CNA

Kreu i këshilltarëve të djathtë në Bashkinë e Tiranës, Leonard Olli ka akuzuar Kryebashkiakun Erion Veliaj si falsifikator dhe mashtrues lidhur me gjobën ndaj PD-së, ndërsa ka kërkuar që të japë dorëheqjen. Përmes një postimi në rrjetin social Facebook, Olliu shkruan se ekspertiza e laboratorit kriminalistik ka vërtetuar se shkrimi dhe firma në gjobën e Bashkisë së Tiranës, për pesudodëmet që PD krijoi në protestën e 8 dhjetorit, është e falsifikuar.

gjoba e veliajt per pdReagimi në Facebook nga Kreu i këshilltarëve të djathtë në Bashkinë e Tiranës, Leonard Olli

Erion Veliaj vijon të promovojë në vazhdimësi talentet e tij. Ai tashmë nuk është vetëm guximtari për të vjedhur, talenti për të mashtruar, por edhe super talenti për të falsifikuar dhe manipuluar. Ekspertiza e laboratorit kriminalistik ka vërtetuar se shkrimi dhe firma në gjobën e Bashkisë së Tiranës, për pesudodëmet që PD krijoi në protestën e 8 dhjetorit, është e falsifikuar, një fakt i bërë publik edhe nga ABC NEWS. Ky falsifikim është provuar shkencërishtt! Nuk ka më akt më të trupshëm dhe veprim më të pacipë se të falsifikosh, të mashtrosh dhe manipulosh publikisht, duke dashur të fyesh e denigrosh një punonjës të shtetit, familjen e tij dhe imazhin e PD-së. Ky aventurier i paskrupullt, i cili jo për herë të parë akuzohet publikisht si i përfshihet në falsifikime dhe abuzime të ngjashme, që nga koha kur drejtonte Lëvizjen Mjaft, si ministër i Mirëqenies Sociale dhe Rinisë, sot edhe shkencërisht provohet se është i tillë edhe si kryetar bashkie. Meqenëse publikisht, në pacipësinë e tij, ka deklaruar se nuk ka asnjë falsifikim në fletën e gjobës dhe se mban përgjegjësi publikisht për këtë, minimalisht duhet ta japë dorëheqjen dhe të përballet me drejtësinë, e cila për këtë vepër penale parashikon deri në 7 vite burg dhe deri në 2 milion lekë gjobë!?#?VleiajngasotnukështëkryeqytetariTiranësporkryefalsifikatoriTiranës?#





Lajmet e fundit nga