web counter
LEXO PA REKLAMA!

SHKARKO APP

App Store
Google Play

E fundit!

x

Ngjarja/ Fahri Balliu luftoi për kreun e SHISH

25 Janar 2016, 10:30, Aktualitet CNA

Gazetari i ?Zërit të Popullit?, deri në ditët e fundit të diktaturës ka edhe disa ngjarje dhe detaje, të cilat nuk njihen nga opinioni publik.

Tashmë janë të ditura akuzat se ai mund të ketë qenë bashkëpunëtor i ish-sigurimit të shtetit sepse nuk u pranua asnjëherë në partinë e punës si komunist për shkak të disa rregullave strikte mbi të cilat funksiononin organizatat bazë të partisë. Ky fakt apo ai që është marrë me shqelma nga ambasada shqiptare në Maqedoni nga presidenti i atëhershëm Sali Berisha, nuk përbëjnë më lajm, ashtu sic nuk është lajm skandalet me dhjetra mijëra euro me biznesmenë të ndryshëm.

Sot po i zbulojmë një detaj tjetër, e cila e ka fillesën në verën e vitit 2012. Citynews ka mësuar se ish kryeministri i atëhershëm Sali Berisha, kishte vendosur të largonte nga detyra kreun e SHISH, Bahri Shaqirin dhe në vend të tij të prpozonte një tjetër person. Këtu fillon edhe pasioni i Fahriut për të marrë në duar drejtimin e SHISH. Në atë kohë, Fahriu ka takuar disa eksponentë politikë dhe pjesë të strukturave të Policisë së Shtetit, të cilët kanë qenë afër Sali Berishës, duke i kërkuar atyre mbështetje pasi ai dëshironte të merrte drejtimin e SHISH.

Ky nuk është një thashethem, ky është një fakt, i cili nuk u bë realitet pasi Berisha propozoi në krye të SHISH Visho Ajazi Likën. Turfullimet e Fahriut mbahen mend nga shumë miq të tij dhe një shans që ai humbi për të marrë në dorë drejtimin e SHISH. Strukturë që besojmë se ai e njihte, ndoshta që kur ka qenë në ambasadën Shqiptare në Maqedoni. Flasim në kohën e viteve 1993-1994.

Fahriu me humbjen e drejtimit të SHISH humbi dhe shansin e tij për të pastruar një dosje të mundshme personale që ndoshta është diku në arkivat e këtij institucioni. Ai sot vazhdon të jetë nën sqetullën e ngrohtë të Ilir Metës dhe për këtë ka marrë edhe mjaft shpërblime, por askush nuk mund të thotë se ëndrra e Fahriut për të marrë drejtimin e SHISH, tashmë është shuar./citynews





Lajmet e fundit nga