E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Skënder Gjinushi dhe të pathënat e 21 janarit

24 Janar 2016, 10:29, Aktualitet CNA

Kreu i PSD, Skënder Gjinushi ka komentuar ngjarjet e 21 janarit pas 5 vitesh. Në një intervistë për gaztën ?Sot?, Gjinushi është shprehur se nuk e shikon 21 janarin si një grusht shteti të organizuar nga opozita, por i organizuar nga Berisha për të futur në burg dhe për të eliminuar kundërshtarët. Për Gjinushin, ngjarja e 21 janarit nuk ka asgjë për tu zbardhur pasi gjithcka është e qartë si kristali. Sipas tij, Berisha urdhëroi vrasjet, gardistët zbatuan urdhërat, mjekët manipuluan shkaqet e vdekjes ndërsa policia bllokoi urdhër arrestet.

? Mos shfaqja e pendesës nga Sali Berisha është sfidë për demokracinë. Ajo çka ndodhi në 21 Janar, ajo çfarë bëri policia, çfarë bëri opozita, çfarë bënë protestuesit ndodhin në çdo vend të botës demokratike; ka shkelje ligji, ka teprime nga protestuesit, ka përdorim dhune. Demokracia nuk funksionon po nuk pati vazhdimisht protesta, diku më paqësore, diku më të serta, sepse varet edhe nga kauza. Ndërsa përdorimi i armës tregon nisjen e diktaturës. Berisha parimet demokratike i njeh vetëm në teori. Ai e di shumë mirë se përdorimi i armës nga protestuesit quhet grusht shteti, dhe po u përdor armë nga qeveria, quhet diktaturë. Është krimi më i rëndë që mund të ndodhë kur qeveria vret protestuesit paqësorë! Prandaj, në 21 Janar rendi të ngrinte skenarin e një grushti shteti, sepse do ishte i vetmi argument për të justifikuar vrasjen. Pastaj doli hapur se nuk bëhej fare fjalë për grusht shteti, sepse rrëzimi i qeverive apo largimi i qeverive, protesta paqësore qoftë me gurë apo me shkopinj janë mjete demokratike që ndodhin kudo kur qeveria abuzon. Në këto kushte, populli ka të drejtën e protestës deri në largim. Sepse nuk jep njeri dorëheqjen me dëshirë. Aq e vërtetë është saqë Saliu flet për dopio standard. 21 janari nuk ishte grushti shteti i organizuar nga opozita, por i organizuar nga Berisha për të futur në burg dhe për të eliminuar kundërshtarët. Ngjarja nuk ka asgjë për tu zbardhur pasi gjithcka është e qartë si kristali. Berisha urdhëroi vrasjet, gardistët zbatuan urdhërat, mjekët manipuluan shkaqet e vdekjes ndërsa policia bllokoi urdhër arrestet.”