E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Unioni i Arkitektëve i drejtohet Veliajt: Mbaj premtimet e dhëna, po shkatërron hapësirat publike

23 Janar 2016, 15:39, Aktualitet CNA

Unioni i Shqiptar i Arkitektëve i është drejtuar kryebashkiakut Erion Veliaj, lidhur me ndërtimin e e parkut nëntokësor por të hapësirave të tjera publike. Nëpërmjet një deklarate për shtyp, Unioni i Arkitektëve ka shprehur qëndrimin e prerë për të mbrojtur Parkun Rinia. Sipas kësaj deklarate edhe zona pranë Fakultetit të Gjuhëve të Huaja është kthyer në një kantier ndërtimi. Arkitektët kërkojnë që përpara duhet pasur një plan të përgjithshëm. Sot, qytetarët zhvilluan një protestë për të kundërshtuar ndërtimin e parkingut, si dhe për të denoncuar ndërtimet e shumta në kryeqytet.

Deklarata e Unionit Shqiptar të Arkitektëve

Unioni Shqiptar i Arkitektëve, Urbanistëve dhe Planifikuesve Urban i drejtohet me anë të kësaj deklarate, Kryetarit të Bashkisë së Tiranës, për të kërkuar prej tij një qëndrim të qartë e të prerë mbi mbrojtjen e Parkut të Madh të Tiranës.
Ky qëndrim bëhet akoma më i domosdoshëm pasi shohim se përballë Fakultetit të Gjuhëve të Huaja, parku është kthyer në një kantier ku po punohet. Kjo zonë ka qenë përherë nën presionin e ndërtimit dhe shenjat që shohim janë shqetësuese. Sjellja që shihet rëndom është hapja në park e një sheshi për parkim, i cili pas disa vitesh përdorimi bën që të harrojme se ku ka qenë kufiri i parkut. Pas kësaj faze, parkimi kthehet në shesh ndërtimi e më tej në pallat. Shohim se kjo sjellje është kthyer në model zënieje të hapësirave publike.
Kërkojmë, pra, nga Kryetari i Bashkisë që t?i qëndrojë besnik premtimeve që ka dhënë gjatë fushatës, si edhe të veprojë konform ligjeve Shqiptare mbi transparencën e punimeve publike. Kjo deklaratë është në vazhdë të prononcimeve tona të mëparshme të bëra që në datën 9 Korrik 2016 dhe pasi nuk kemi marrë asnjë përgjigje shohim që indiferenca e ka çuar situatën në përkeqësim.
Kjo tendencë u vu re që në konkursin për hyrjen e Parkut të Madh të Tiranës i cili kërkonte të ligjëronte ndërtime në brendësi të parkut; në rastin e vendimit për rialokimin e komunitetit Rom për të çliruar territorin në afërsi të zonave ku do jepen leje ndërtimi; si edhe në rastin e konkursit për zhvillimin e shkollës së magjistraturës që gjithashtu cënon zonën e hyrjes së parkut. Te parkimeve nentokesore ne siperfaqet e gjelberta si Parku Rinia, etj. Projektet e zhvillimit në kurriz të parkut të krijojnë idenë se Tirana nuk ka hapësira të tjera zhvillimi, gjë që përforcon edhe njëhere nevojën për një vizion tërësor të planifikuar.
Së dyti, dëshirojmë të vemë në dukje se nxitimi për projekte te tilla, përfshi edhe vendimet për parkimet mbi dhe nëntokësore, të cilët janë të pastudiuar në raport me flukset e trafikut dhe të këmbësorëve, në një kohë kur ende nuk ka filluar puna për planin e përgjithshëm vendor të Tiranës, janë shumë shqetësuese dhe e kthejnë procesin e planifikimit në një hipokrizi dhe alibi për akte të mundëshme korruptive, duke humbur kështu besimin e opinionit publik. Heshtja juaj dhe e administratës lëkund seriozisht besimin e qytetit tek serioziteti i qeverisjes lokale që është një nga dëmet më të medha morale që i bëhet qytetit dhe suksesit të qeverisjes. Mungesa e vullnetit për transparencë është alarm për gjëra të tjera.
Theksojmë se vendime te kësaj rëndësie nuk mund të merren pa patur një plan të përgjithshëm. Nëse për të justifikuar këto ndërhyrje nga ana juaj do të përdornit planin e vitit 2012, do të binit krejtësisht në kundërshtim moral e politik me çfare është propaganduar në fushatën tuaj, si edhe me vendimet e qeverisë për bllokimin e këtij plani përpara se ju të merrnit detyrën. Aq më teper që nga ky plan, i vitit 2012, tentohet të merren elementet më problematike të tij, si copëzimi i parkut dhe rritja e dendësisë së palogjikshme në qendër të Tiranes. Ju po perkeqesoni situaten me tej!
Zoti kryetar, kjo ofendon jo vetëm inteligjencën e profesionistëve që i kuptojnë mirë këto çështje, por edhe të qytetareve e njerëzve të thjeshte të cilëve u premtohet krejt e kundërta.
Duke dëshiruar që ky prononcim të mos bëhet si ?kronika e një vdekjeje të paralajmëruar?, kemi shprese se Kryetari i Bashkisë dhe institucioni që ai përfaqëson, do të marrin në krahun e atyre që mbrojnë interesin publik dhe zhvillimin e suksesshëm të Tiranës dhe jo te atyre qe e dhunojne!
ark. Ledian Bregasi / ark. Sotir Dhamo
Kryesia e AUA