E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Serveri i kryeministrise/Mero, Sokoli, prokuroria dhe alibia e Ramës

24 Janar 2016, 13:36, Aktualitet CNA

Elvi FUNDO

Ditët e fundit në skenën mediatike janë rikthyer akuzat për ngjarjet e 21 janarit. Ditë kur PS dhe kryeminsitri Rama atëherë në opozitë dolën në protestë për ?bllokun? e Ilir Metës.

Shumë shkrime dhe aludime për drejtësinë e munguar. Më të ashprat vijnë nga dy gazetarë dhe analistë pranë Edi Ramës dhe qeverisë. Sokol Balla dhe Mero Baze, në emision apo analizat e tyre, disa herë përmendnin serverin e kryeministrisë dhe kamerat.

Dikush thotë se kryeministri i atëhershëm Sali Berisha ka thirrur Sekretarin e Përgjithshëm Gjergj Lezhja për të fshirë filmimet. Ëndër apo fakt, citynews u interesua në prokurori ku mori informacion se në fakt Lezhja është një

person që ka denoncuar fshirjen e materialeve filmike. Por, nga ana tjetër të njejtat burime theksuan se serverat mereshin në dorëzim nga Garda e Republikës 24 orë përpara protestës. Pra teoria që ka thirrur Berisha, Lezhjën dhe e ka urdhëruar ky i fundit fshirjen bie poshte, kjo thjesht për faktin se serverat nuk ishin nën administrimin e tij, dhe kjo sipas kërkesave të ligjit.

Në rastin konkret serveri ka qenë për një kohë të gjatë nën përgjegjësinë e institucioneve të tjera. Këtë besoj e di mjaft mirë edhe Baze apo Balla që në këtë rast mjafton të kujtojnë protestat e vazhdueshme të socialistëve në atë kohë.

Burime nga prokuroria, thanë për citynews se Gjergj Lezhja ka denoncuar filmimet në kamerën e dyte si dhe sekuencat e fshira. Ne prokurori egziston një dosje me të gjitha deponimet perfshi edhe ato të Gjergj Lezhjes, atëherë me detyrë Sekretar i Përgjithshëm i Këshillit të Ministrave. Gjithcka e kryer kohën kur Prokurore e Pergjithshme ishte Ina Rama, e cila kishte një përplasje të ashpër me ish-kryeministrin Berisha

Më tej rezulton se Prokuroria ka qenë e bindur që serveri nuk ka lidhje me vrasjet, prandaj dhe cështja është ndarë, vrasjet dhe fshirja e serverit janë gjykuar të ndara, këtë e di edhe Mero edhe Sokoli.

Nga dëshira politike apo inati mund të ketë gjykim të erët dhe pavlerë, këto vetëm për ti dhënë opinionit një alibi për drejtësinë e munguar të 21 janarit. Drejtësi e cila fillon tek organizatori që është Edi Rama dhe tek qëllimi që është protesta ku kërkohej ?blloku? i Ilir Metës. Ndërsa sot qeverisin së bashku. Morali i drejtësisë dhe politikës fillon pikërisht këtu dhe kolegët gazetarë këtë nuk dyshojmë se e dinë mjaft mirë. Ashtu sic e dinë që Lezhja është besnik i Berishes, por ky nuk është lajm, kjo dihet. Ka edhe dicka që opinion publik dhe vetë dy gazetarët e dine që Gjergj Lezhja është zyrtar që nuk thyen ligjet e shtetit, kjo është tashmë e pa diskutueshme. E thonë të majte e të djathtë që kanë punuar me të që nga viti 1992.

Komentet dhe analizat e 21 janarit duke gjetur si zgjidhje serverin, por pa e ditur të vërtetën e tij dhe duke artikuluar gjëra të pavërteta, nuk i shërbejnë zbardhjes së ngjarjes por alibisë për të kaluar një tjetër siklet të kryeministrit Rama, që mban në gji me qetësi dhe dashuri Ilir Metën, aty ku dhe filloi dhe përfundoi 21 janari./citynews